Skip to content 
لاہور: پاکستان سپر لیگ 11 میں ملتان سلطانز نے صاحبزادہ فرحان کی شاندار سنچری کی بدولت حیدرآباد کنگز مین کو 6 وکٹوں سے شکست دے دی۔
قذافی اسٹیڈیم لاہور میں کھیلے گئے میچ میں حیدرآباد کنگز مین نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 225 رنز بنائے۔
حیدرآباد کی جانب سے معاذ صداقت نے 26 گیندوں پر 62 رنز کی جارحانہ اننگز کھیلی جبکہ شرجیل خان 51 رنز کے ساتھ ناٹ آؤٹ رہے۔ صائم ایوب نے 27، عثمان خان نے 25 اور عرفان خان نے 22 رنز بنائے۔
ملتان سلطانز کے محمد وسیم نے 2 وکٹیں حاصل کیں جبکہ محمد نواز، ایشٹن ٹرنر اور پیٹر سیڈل نے ایک، ایک کھلاڑی کو آؤٹ کیا۔
جواب میں ملتان سلطانز نے ہدف 19ویں اوور میں 4 وکٹوں کے نقصان پر حاصل کر لیا۔ صاحبزادہ فرحان نے 57 گیندوں پر 106 رنز کی ناقابل شکست اننگز کھیل کر میچ کا پانسہ پلٹ دیا۔
اسٹیو اسمتھ نے 46 جبکہ شان مسعود نے 29 رنز بنائے، جبکہ عرفات منہاس 26 رنز کے ساتھ ناٹ آؤٹ رہے۔
یہ حیدرآباد کنگز مین کی ایونٹ میں مسلسل تیسری شکست ہے جبکہ ملتان سلطانز نے اپنے دونوں میچز جیت کر مضبوط آغاز کیا ہے۔
دیکھئیے:پی ایس ایل 11: بارش کے باعث پشاور زلمی اور اسلام آباد یونائیٹڈ کا میچ منسوخ کر دیا گیا
