سکیورٹی ذرائع کے مطابق بلوچستان بھر میں آپریشن شعبان کے تحت پاک فوج، ایف سی بلوچستان اور بلوچستان پولیس کی مشترکہ کارروائیاں جاری ہیں۔
ذرائع کا کہنا ہے کہ حالیہ کارروائیوں کے دوران سکیورٹی فورسز نے دہشت گردوں کو بھاری نقصان پہنچایا، جبکہ مزید 3 دہشت گرد ہلاک کر دیے گئے۔
سکیورٹی فورسز نے دشوار گزار پہاڑی علاقوں میں موجود دہشت گردوں کے ٹھکانوں کو بھی کامیابی سے نشانہ بنایا۔
سکیورٹی ذرائع کے مطابق آپریشن شعبان کے دوران اب تک 91 دہشت گرد مارے جا چکے ہیں۔
ذرائع نے بتایا کہ 5 جولائی سے اب تک آپریشن شعبان اور دیگر انٹیلی جنس بیسڈ کارروائیوں میں مجموعی طور پر 129 دہشت گرد ہلاک کیے گئے ہیں۔
سکیورٹی فورسز کے مطابق بلوچستان میں امن و امان کے قیام اور دہشت گرد عناصر کے خاتمے کے لیے کارروائیاں بدستور جاری رہیں گی۔