سیکیورٹی ذرائع کے مطابق پاکستان فضائیہ نے افغانستان کے اندر مزید فضائی کارروائیوں کا فیصلہ کیا ہے اور حالیہ آپریشنز میں پہلی بار کالعدم ٹی ٹی پی کے بجائے افغان طالبان رجیم کے ٹھکانوں کو نشانہ بنایا جا رہا ہے۔
ذرائع کا دعویٰ ہے کہ پہلی کارروائی میں ننگرہار کے علاقے میں واقع ایک بڑا ایمونیشن ڈپو تباہ کر دیا گیا ہے، جبکہ مزید اہداف کو نشانہ بنانے کا سلسلہ جاری ہے۔
حکام کے مطابق کارروائیوں کا مقصد سرحد پار سے ہونے والی مبینہ جارحیت کا مؤثر جواب دینا اور ملکی سلامتی کو یقینی بنانا ہے۔ دوسری جانب افغان حکام کی طرف سے فوری طور پر کوئی باضابطہ ردعمل سامنے نہیں آیا۔