پاکستان نے ہانگ کانگ سپر سکسز ٹورنامنٹ کے فائنل میں کویت کو 43 رنز سے ہرا کر ٹورنامنٹ جیت لیا۔
فائنل میں کویت نے ٹاس جیت کر پہلے گیند بازی کا فیصلہ کیا۔ پاکستان نے پہلے بیٹنگ کرتے ہوئے مقررہ 6 اوورز میں 3 وکٹوں کے نقصان پر 135 رنز بنائے۔ کپتان عباس آفریدی نے 52 رنز کی ناقابل شکست اننگز کھیلی۔ عبد الصمد نے 42 جبکہ خواجہ نافع نے 22 رنز بنائے۔
جواب میں کویت کی ٹیم پانچ اعشاریہ ایک اوورز میں 92 رنز بنا کر آل آؤٹ ہوگئی۔ میت بھاؤسر 33 رنز بنا کر ٹاپ اسکورر رہے۔ پاکستان کی جانب سے معاذ صداقت نے 3 وکٹیں حاصل کیں۔
پاکستانی کپتان عباس آفریدی کو شاندار آل راؤنڈ کارکردگی پر ٹورنامنٹ کا بہترین کھلاڑی قرار دیا گیا۔ اس سے قبل صبح پہلے سیمی فائنل میں پاکستان نے آسٹریلیا کو سنسنی خیز مقابلے کے بعد 1 رن سے ہرا دیا تھا۔
دیکھیں: نیوزی لینڈ کے اسٹار بیٹر کین ولیمسن نے ٹی ٹوئنٹی انٹرنیشنل کرکٹ کو خیرباد کہہ دیا
