اسلام آباد: وفاقی حکومت نے پٹرولیم مصنوعات کی قیمتوں میں بڑا اضافہ کر دیا ہے، جس کا اطلاق آج رات 12 بجے سے ہوگا۔
اعلامیے کے مطابق پیٹرول کی قیمت میں 137 روپے 23 پیسے فی لیٹر اضافہ کیا گیا ہے، جس کے بعد نئی قیمت 458 روپے 40 پیسے فی لیٹر مقرر کر دی گئی ہے۔
اسی طرح ڈیزل کی قیمت میں 184 روپے 49 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 520 روپے 35 پیسے فی لیٹر ہو گئی ہے۔
حکام کے مطابق قیمتوں میں اضافہ عالمی منڈی میں تیل کی بڑھتی قیمتوں کے باعث کیا گیا ہے، تاہم اس حوالے سے مزید تفصیلات جاری نہیں کی گئیں۔
نئی قیمتوں کے نفاذ کے بعد ملک بھر میں مہنگائی کے دباؤ میں اضافے کا خدشہ ظاہر کیا جا رہا ہے، جبکہ ٹرانسپورٹ اور اشیائے ضروریہ کی قیمتوں پر بھی اثر پڑنے کا امکان ہے۔
دیکھئیے:اسرائیلی سزائے موت قانون مسترد: پاکستان سمیت 8 مسلم ممالک کا مشترکہ اعلامیہ