مختلف مذاہب کے رہنماؤں کا دہشت گردی کے خلاف ریاست کا ساتھ دینے کا اعلان

پاکستان کے مختلف مذاہب کے رہنماؤں نے اے پی ایس سانحہ کے 11 سال مکمل ہونے پر شہدا کو خراج تحسین پیش کیا اور انتہا پسندی و دہشت گردی کے خاتمے کے لیے ریاست پاکستان کے ساتھ مکمل تعاون کا اعلان کیا

December 16, 2025

پاکستان کے اعلیٰ دفاعی ڈھانچے پر ازسرِنو غور

اہم نکتہ یہ ہے کہ جنگ صرف نقشوں، چارٹس اور اعلیٰ ہیڈکوارٹرز سے نہیں جیتی جاتی۔ تاریخ بتاتی ہے کہ جنگ کا میدان غیر یقینی، افراتفری اور انسانی کمزوریوں سے بھرا ہوتا ہے۔ جدید ٹیکنالوجی، سیٹلائٹس اور ڈیجیٹل کمانڈ سسٹمز کے باوجود “جنگ کی دھند” ختم نہیں ہو سکی۔ روس-یوکرین جنگ اس کی تازہ مثال ہے، جہاں جدید نظام جام ہو گئے اور پرانے طریقے دوبارہ اختیار کرنا پڑے۔

December 16, 2025

طالبان رجیم کے مدراس؛ انتہا پسندی کی فیکٹریاں

مدرسہ فاطمہ اپنے عہد میں بھی آج کی کسی جدید یونیورسٹی سے کم نہ تھا۔ دنیا بھر سے مذہب اور زبان کی قید سے بالاتر ہو کر لوگ یہاں آتے تھے، اور اس دور میں بھی فلکیات، طب اور دیگر جدید علوم یہاں پڑھائے جاتے تھے۔ برصغیر پر انگریز کے تسلط کے بعد بھی مدارس نے علم و شعور کے چراغ روشن رکھے۔ پاکستان میں بھی مدارس کی ایک مضبوط روایت موجود ہے۔

December 16, 2025

سولہ دسمبر (1971,2014): پاکستانی ریاست اور قوم نے کیا سبق سیکھے؟

دنیا کا ہر والد یہ چاہتا ہے کہ اپنے حصے کے غم، تکالیف اورصدمے اپنی اولاد کو ورثے میں نہ دئیے جائیں۔ بعض سانحے مگر ایسے ہوتے ہیں کہ ان کے زخم اور ان سے رستا لہو، ان کی تکلیف اور اس المناک تجربے سے حاصل کردہ سبق ہماری اگلی نسلوں کو بھی منتقل ہونے چاہئیں۔ یہ اس لئے کہ وہ ماضی سے سبق سیکھیں اور اپنے حال اور مستقبل کو خوشگوار، سنہری اور روشن بنا سکیں۔ سولہ دسمبر اکہتر بھی ایسا ہی ایک سبق ہے۔

December 16, 2025

اے پی ایس کے شہداء کو خراجِ عقیدت: نوے ژوند تنظیم کے زیر اہتمام پروقار مشاعرہ و شمع افروزی

نوے ژوند ادبی، ثقافتی اور فلاحی تنظیم اسلام آباد کے زیرِ اہتمام اے پی ایس شہداء کو سلام ادب، شمع اور عزمِ امن کے ساتھ 11ویں برسی پر پروقار مشاعرہ و شمع افروزی

December 16, 2025

سقوطِ ڈھاکہ: تاریخ کی دس باتیں اور آج کی کہانی

سقوطِ ڈھاکہ ہمیں یاد دلاتا ہے کہ ریاست کی اصل طاقت بندوق نہیں، بلکہ آئین، پارلیمان، عوامی مینڈیٹ اور مساوی شہری حقوق ہوتے ہیں۔ جب سیاست کو دبایا جاتا ہے تو تاریخ خود کو دہرانے لگتی ہے۔ یہ سانحہ ہمیں خبردار کرتا ہے کہ اگر ہم نے ماضی سے سیکھنے کے بجائے اسے فراموش کر دیا تو زخم بھرنے کے بجائے مزید گہرے ہو سکتے ہیں۔

December 16, 2025

مزید لوڈ کریں

مختلف مذاہب کے رہنماؤں کا دہشت گردی کے خلاف ریاست کا ساتھ دینے کا اعلان

علما و مشائخ نے ہندوستان میں اقلیتوں پر مظالم پر تشویش ظاہر کی اور عالمی اداروں سے فوری اقدامات کا مطالبہ کیا

December 16, 2025

نیوز ڈیسک

پاکستان کے مختلف مذاہب اور مکاتب فکر کے علما و مشائخ نے اے پی ایس سانحہ کے 11 سال مکمل ہونے پر شہدا کو خراجِ تحسین پیش کرتے ہوئے انتہا پسندی اور دہشت گردی کے خاتمے کے لیے ریاست پاکستان کا ساتھ دینے کا اعلان کیا ہے۔

تفصیلات کے مطابق اسلام آباد میں ہونے والی کانفرنس میں پاکستان علما کونسل کے چیئرمین حافظ محمد طاہر محمود اشرفی کی زیرِ صدارت مختلف مذاہب کے نمائندہ رہنماؤں نے شرکت کی۔ اجلاس کے بعد پریس کانفرنس سے خطاب کرتے ہوئے تمام مذہبی قائدین نے سانحہ اے پی ایس کے شہدا کو خراج تحسین پیش کیا اور دہشت گردی کے خاتمے کے لیے ریاست، افواج پاکستان اور سلامتی کے اداروں کے ساتھ ہر ممکن تعاون کا یقین دلایا۔ انہوں نے زور دے کر کہا کہ پاکستان کی سلامتی، دفاع اور استحکام کے لیے سب متحد ہیں۔

مذہبی رہنماؤں نے ہندوستان میں اقلیتوں پر ہونے والے مظالم پر تشویش کا اظہار کرتے ہوئے کہا کہ وہاں اقلیتیں تشدد اور ناانصافی کا شکار ہیں۔ انہوں نے عالمی اداروں سے مطالبہ کیا کہ وہ ہندوستان میں مظالم کے خلاف فوری اقدامات اٹھائیں۔