وزیر اعلیٰ بلوچستان میر سرفراز بگٹی نے خیبر پختونخوا میں گورنر راج کے نفاذ کی حمایت کرتے ہوئے کہا ہے کہ دہشت گردی کے خاتمے، امن و امان کی بحالی اور ریاستی عملداری کے قیام کے لیے مؤثر اقدامات ضروری ہیں۔
میر سرفراز بگٹی کے مطابق غیر معمولی حالات میں امن کی بحالی اور عوام کے جان و مال کا تحفظ ریاست کی بنیادی ذمہ داری ہے۔
انہوں نے کہا کہ دہشت گردی کے مکمل خاتمے اور پائیدار امن کے قیام کے لیے ریاستی اداروں کا مضبوط کردار اور قومی سطح پر یکجہتی ناگزیر ہے۔
وزیر اعلیٰ بلوچستان نے زور دیا کہ پوری قوم کو دہشت گردی کے خلاف ریاست کے ساتھ متحد ہو کر کھڑا ہونا چاہیے۔ ان کا کہنا تھا کہ قومی سلامتی، پاکستان کا استحکام اور عوام کا تحفظ ہر سیاسی مصلحت سے بالاتر ہیں۔
دیکھیے: افغانستان: مزاحمتی کارروائیوں میں شدت، اہم کمانڈرز سمیت 10 طالبان اہلکار ہلاک
