یمن میں حوثیوں کی پیش قدمی، سعودی عرب نے اتحادی افواج کا کمانڈر تبدیل کردیا

یمن میں حوثیوں کی پیش قدمی اور حکومتی فورسز کی پسپائی کے دوران سعودی عرب نے اتحادی افواج کا کمانڈر تبدیل کردیا۔
یمن میں حوثیوں کی پیش قدمی، سعودی عرب نے اتحادی فوج کا کمانڈر تبدیل کردیا

یمن میں حوثیوں کی پیش قدمی کے دوران سعودی عرب نے اتحادی افواج کے کمانڈر فہد السلمان کو تبدیل کرکے جنرل فیاض الرویلی کو نیا سربراہ مقرر کردیا۔

November 16, 2026

حوثیوں کے خلاف جاری لڑائی اور یمنی حکومتی فورسز کی پسپائی کے دوران سعودی عرب نے اتحادی افواج کی کمان جنرل فیاض بن حامد الرویلی کے سپرد کردی۔

سعودی عرب نے یمن میں حوثی باغیوں کے خلاف کارروائیوں میں مصروف اتحادی افواج کے کمانڈر کو تبدیل کردیا ہے۔ شاہی فرمان کے تحت لیفٹیننٹ جنرل فہد بن حمد السلمان کو عہدے سے ہٹا کر وزیر دفاع کا عسکری امور کا مشیر مقرر کردیا گیا ہے، جبکہ جنرل فیاض بن حامد الرویلی کو نیا کمانڈر نامزد کیا گیا ہے۔

خبر رساں ادارے رائٹرز کے مطابق یہ تبدیلی ایسے وقت میں کی گئی ہے جب یمن میں حوثی فورسز مختلف محاذوں پر پیش قدمی کر رہی ہیں اور سعودی حمایت یافتہ یمنی حکومتی فورسز کو پسپائی کا سامنا ہے۔

رپورٹ کے مطابق حکومتی فورسز کی پسپائی کے بعد حوثیوں کی جنوبی شہر عدن کی جانب پیش قدمی کا خطرہ بڑھ گیا ہے۔ حوثیوں کے خلاف چھ ہفتوں سے جاری فوجی کارروائی کے تناظر میں بھی اس پیش رفت کو اہم قرار دیا جا رہا ہے۔

سعودی سرکاری خبر رساں ادارے کے مطابق شاہ سلمان بن عبدالعزیز نے کمانڈر کی تبدیلی کا شاہی فرمان جاری کیا۔ جنرل فیاض الرویلی اپنی موجودہ ذمہ داریوں کے ساتھ اتحادی افواج کی کمان بھی سنبھالیں گے، جبکہ سابق کمانڈر فہد السلمان وزیر دفاع کے عسکری امور کے مشیر کی حیثیت سے کام کریں گے۔

واضح رہے کہ یمن میں ایران کے حمایت یافتہ حوثی گروپ نے مختلف محاذوں پر پیش قدمی کی ہے۔ اس دوران سعودی حمایت یافتہ یمنی حکومتی فورسز کو باب المندب کے علاقے سے پیچھے ہٹ کر عدن کے قریب اپنی پوزیشنیں مضبوط کرنا پڑی ہیں۔

متعلقہ مضامین

آزاد کشمیر احتجاج کے دوران اہلکاروں کی شہادت، زخمی ہونے اور اغوا سے متعلق اہم دعوے سامنے آگئے۔

November 16, 2026

اسحاق ڈار نے کہا کہ پاکستان کو افغان عوام سے کوئی مسئلہ نہیں، طالبان دہشت گردی کے خدشات دور کریں تو تعلقات میں مزید پیش رفت ممکن ہے۔

November 16, 2026

شہباز شریف سے عباس عراقچی سمیت ای سی او رکن ممالک کے وزرائے خارجہ کی ملاقات، تجارت، توانائی اور علاقائی روابط پر اتفاق۔

November 16, 2026

عمران خان نے چیف جسٹس صاحبان کو خط لکھ کر طبی سہولیات کی فراہمی اور سپریم کورٹ کے احکامات پر عملدرآمد کا مطالبہ کیا ہے۔

November 16, 2026

رائے دیں

Leave a Reply

Your email address will not be published. Required fields are marked *