وزیراعظم شہباز شریف اور امیر جماعت اسلامی حافظ نعیم الرحمان کے درمیان آج ملاقات ہوگی، جس میں پٹرولیم لیوی کے خاتمے اور عوام کو قیمتوں میں ریلیف دینے سے متعلق تجاویز پر تبادلہ خیال کیا جائے گا۔
ذرائع کے مطابق ملاقات آج دوپہر وزیراعظم ہاؤس اسلام آباد میں ہوگی۔ نائب امیر جماعت اسلامی لیاقت بلوچ بھی شریک ہوں گے، جبکہ جماعت اسلامی کی مذاکراتی ٹیم کے بعض دیگر ارکان کی شرکت بھی متوقع ہے۔
ذرائع کا کہنا ہے کہ ملاقات میں وفاقی وزیر احسن اقبال، وفاقی وزیر علی پرویز ملک اور وزیراعظم کے مشیر رانا ثناءاللہ بھی شریک ہوں گے۔
ملاقات میں پٹرولیم مصنوعات پر عائد لیوی کے خاتمے اور قیمتوں میں ریلیف کے لیے حکومت کے ممکنہ اقدامات پر بات چیت کی جائے گی۔
جماعت اسلامی نے پٹرولیم مصنوعات پر لیوی کے خلاف لانگ مارچ کا اعلان کیا تھا۔ تاہم وزیراعظم شہباز شریف کی جانب سے رابطے اور ملاقات کی دعوت کے بعد جماعت اسلامی نے مارچ مؤخر کر دیا تھا۔
مجوزہ ملاقات میں پٹرولیم لیوی کے معاملے پر حکومت اور جماعت اسلامی کے درمیان تجاویز پر تبادلہ خیال ہوگا۔
