پاکستان تحریک انصاف کے سیکرٹری اطلاعات اور رکن قومی اسمبلی، شیخ وقاص اکرم کی ایک مبینہ آڈیو لیک ہوئی ہے، جس میں انہوں نے وزیر اعلیٰ خیبرپختونخوا، سہیل آفریدی کے اڈیالہ جیل کے باہر جاری دھرنے کو سخت تنقید کا نشانہ بنایا اور اسے وزیر اعلیٰ کا ذاتی اور غیر جمہوری فیصلہ قرار دیا۔
اس لیک شدہ آڈیو نے پارٹی کے اندر اختلافات کی قلعی کھول دی ہے اور وزیر اعلیٰ سہیل آفریدی کی من مانیوں کے حوالے سے پہلے سے موجود دعوؤں کو مزید تقویت فراہم کی ہے۔ سیاسی مبصرین کے مطابق اس واقعے نے پی ٹی آئی کی اندرونی سیاست میں کشیدگی کو نمایاں کر دیا ہے اور پارٹی قیادت کے اندرونِ خانہ اختلافات کو عوامی سطح پر سامنے لا دیا ہے۔
پارٹی کے کئی رہنما اس لیک پر خاموش ہیں، لیکن مبصرین کا کہنا ہے کہ اس آڈیو نے نہ صرف پارٹی کی یکجہتی پر سوالیہ نشان لگا دیا ہے بلکہ آئندہ سیاسی فیصلوں اور اندرونی انتخابات پر بھی اثر انداز ہو سکتا ہے۔
دیکھیے: افواجِ پاکستان ہر خطرے سے نمٹنے کے لیے ہمہ وقت تیار ہیں: فیلڈ مارشل