امریکہ کے صدر ڈونلڈ ٹرمپ نے ایک غیر معمولی پیغام میں وینزویلا کے فضائی حدود کے حوالے سے انتباہ جاری کیا ہے۔ ٹرمپ نے کہا کہ تمام ایئرلائنز، پائلٹس، منشیات کے اسمگلرز اور انسانی اسمگلنگ میں ملوث افراد کو وینزویلا کے اوپر اور اس کے گرد موجود تمام فضائی حدود کو مکمل طور پر بند سمجھنا چاہیے۔
صدر ٹرمپ نے اپنے بیان میں مزید کہا، “تمام ایئرلائنز، پائلٹس، ڈرگ ڈیلرز، اور ہیومن ٹریفیکرز براہ کرم وینزویلا کے اوپر اور اس کے ارد گرد کی فضائی حدود کو مکمل طور پر بند سمجھیں۔ اس معاملے پر آپ کی توجہ کا شکریہ!”
ٹرمپ کے اس بیان سے بین الاقوامی فضائی آپریشنز اور وینزویلا کے ساتھ تعلقات پر ممکنہ اثرات پر دنیا بھر میں سوالات اٹھ رہے ہیں۔ تجزیہ کاروں کا کہنا ہے کہ یہ پیغام ایک سخت انتباہ کے طور پر دیکھا جا سکتا ہے اور اس کے بعد متعلقہ فضائی اداروں کو محتاط اقدامات کرنے کی ضرورت ہوگی۔
دیکھیں: اسلام آباد خودکش حملے کی منصوبہ بندی افغانستان سے کی گئی، وزیرِ اطلاعات