برطانوی وزیر اعظم کیئر اسٹارمر نے کہا ہے کہ اگرچہ چین برطانیہ کی قومی سلامتی کے لیے ممکنہ خطرہ ہے تاہم وہ چین کے ساتھ تجارتی تعلقات کے فیصلے پر قائم ہیں۔
لندن میں ایک منعقدہ نشست سے خطاب میں کیئر اسٹارمر نے کہا کہ کاروباری و تجارتی تعلقات برطانیہ کے مفادات میں سے ہیں، حالیہ برسوں میں دونوں ممالک کے تعلقات جاسوسی کے الزامات کی وجہ سے متاثر ہوئے ہیں لیکن قومی سلامتی اولین ترجیح ہے اور اس پر سمجھوتہ نہیں کیا جائے گا۔
برطانوی وزیرِ اعظم نے خبردار کیا کہ برطانیہ کو چین کے بارے میں حقیقت پسندانہ پالیسی اپنانے کی ضرورت ہے۔ انھوں نے کہا کہ طویءل عرصے سے تعلقات میں گرمجوشی اور سرد مہری کے رویوں کے بعد اب دو ٹوک اور قومی سلامتی کے مفادات کو سامنے رکھتے ہوئے پالیسی مرتب کی جائے گی۔
انہوں نے مزید کہا کہ دنیا کی دوسری بڑی معیشت کے ساتھ تعلقات کو نظرانداز کرنا ملکی مفاد میں نہیں ہیں۔ کیئر اسٹارمر نے چین کو پختہ عزائم اور بلند حوصلوں سے بھرپور قوم قرار دیتے ہوئے کہا کہ یہ ملک ٹیکنالوجی، تجارت اور عالمی طرزِ حکمرانی میں فیصلہ کن قوت رکھتا ہے۔
دیکھیں: افغان سرحد سے فائرنگ، تاجکستان میں مزید 2 چینی شہری ہلاک