مَہ لقا صمدانی پر تنقید

مَہ لقا صمدانی پر تنقید: واشنگٹن میں پذیرائی کے لیے پاکستان کی سلامتی داؤ پر لگانے کا الزام

فارن پالیسی اِن فوکس میں شائع ہونے والے مَہ لقا صمدانی کے مضمون پر تجزیہ کاروں نے شدید ردعمل دیتے ہوئے اسے ذاتی مفاد اور پاک امریکہ تعلقات کو نقصان پہنچانے کی کوشش قرار دیا ہے۔

عورت کا سفر –   دیہی سے شہری زندگی تک  

چاہے شہر ہو یا گاؤں — اصل طاقت ہمت ہے، اور عورت کو آگے بڑھنے کے لیے مسلسل ہمت وکوشش جاری رکھنی ہو گی۔
عورت کا سفر -   دیہی سے شہری زندگی تک  

دیہی خواتین کے پاس کمیونٹی سپورٹ، رشتہ داری اور اجتماعی تہذیب کی طاقت ہے لیکن مواقع نہ ہونے کے برابر

August 24, 2025

پاکستان میں ہر سال لاکھوں خواتین بہتر تعلیم، روزگار اور خودمختاری کے خواب لیے دیہی علاقوں سے شہروں کا رُخ کرتی ہیں۔ آبادی کا 63 فیصد حصہ دیہاتوں پر مشتمل ہے، مگر قومی سروے کے مطابق شہروں میں رہنے والی خواتین کی لیبر فورس میں شمولیت 33٪ تک پہنچ چکی ہے، جبکہ دیہی خواتین کی شمولیت اب بھی  محض 16٪ہے ۔ یہ صرف جغرافیہ کا فرق نہیں — یہ مواقع، طرزِ فکر، نقل و حرکت اور ‘‘عورت کے حقِ انتخاب’’ کا ایسا خاموش فاصلہ ہے جو ہماری ترقیاتی پالیسیوں اور صنفی مباحث میں سنجیدہ توجہ کا مطالبہ کرتا ہے۔

 گجرات کی اسماء طارق کے لیے یہ فرق صرف شہر بدلنے کا نہیں تھا، یہ خوابوں کی سمت بڑھنے کی جدوجہد تھی۔۔۔

‘‘گاؤں کی زندگی سادہ تھی مگر امکانات محدود۔ پانچ سال  بعد انہوں نے اسلام آباد کا رخ کیا جہاں آزادی تو ملی، مگر ہر سہولت ایک قیمت کے ساتھ آئی — یہاں تنہائی میں حوصلہ اور ہر قدم پر خودانحصاری ضروری ہے۔۔’’

پاکستان بیورو آف اسٹیٹکس کے مطابق شہری خواتین کا تعلیم تک رسائی کا تناسب 71٪ ہے جبکہ دیہی علاقوں میں یہ شرح 46٪ رہ جاتی ہے۔ یہی تعلیمی خلا آگے چل کر پیشہ ورانہ مواقع کی کمی میں بدل جاتا ہے۔

اسلام آباد سے ساہیوال آنے والی صحافی سعدیہ مظہر بتاتی ہیں کہ یہاں صحافت میں خواتین کے لیے جگہ ہی نہیں۔ بڑے چینلز کو چھوٹے شہروں کی کہانیاں متاثر کن نہیں لگتیں، اس لیے مواقع نہ ہونے کے برابر ہیں۔ جو لباس میں لاہور میں پہن سکتی تھی، وہ یہاں ممکن نہیں — دوپٹہ لیے بغیر نکلنا معاشرتی نفرت کو دعوت دینا ہے۔۔

پاکستان میں صرف 14٪ دیہی خواتین ایسے پیشوں سے منسلک ہیں جو زراعت کے علاوہ ہوں، جبکہ شہروں میں خواتین باقاعدہ طور پر کارپوریٹ، میڈیا، آئی ٹی اور کاروبار تک رسائی حاصل کر رہی ہیں۔ لاہور سے تعلق رکھنے والی ہدٰی کے مطابق:

‘‘شہروں میں تعلیم، تقریبات، ایکسپوژر اور ٹرانسپورٹ نے مجھے نہ صرف آزادی دی بلکہ خود کو منوانے کے مواقع بھی ملے۔ جبکہ دیہات میں نقل و حرکت پر پابندیاں، کم تعلیمی ادارے اور ہر قدم پر سماجی پاپندیوں  کا خوف خواتین کو آگے بڑھنے نہیں دیتا۔’’

‘‘خواتین کیلئے  شہر میں ٹرانسپورٹ سب سے بڑی رکاوٹ ہے — مردوں پر انحصار کرنا پڑتا ہے۔ ملازمتیں صرف ٹیچنگ یا کلریکل شعبوں تک محدود سے بھی لڑنا پڑتا ہے کہ عورت گھر سے باہر کیوں ہے۔’

شہری خواتین کے پاس اگرچہ تعلیمی ادارے، روزگار، ٹیکنالوجی اور کے زیادہ وسائل موجود ہیں، مگر یہ وسائل ذمہ داری اور مقابلے کی شدید فضا کے ساتھ آتے ہیں۔ دوسری طرف دیہی خواتین کے پاس کمیونٹی سپورٹ، رشتہ داری اور اجتماعی تہذیب کی طاقت ہے لیکن مواقع نہ ہونے کے برابر۔ یہ خاموش فرق  دراصل فیصلہ سازی، معاشی خودمختاری اور صنفی طاقت کی تقسیم کا فرق ہے۔

اگر پاکستان خواتین کو قومی معیشت کا حقیقی حصہ بنانا چاہتا ہے تو دیہی علاقوں میں سیکنڈری تعلیم اور اسکِل بیسڈ سینٹرز بڑھانے ہوں گے اور محفوظ ٹرانسپورٹ اور ڈے کیئر سسٹم ہر سطح پر قائم کرنے ہوں گے۔

 کیونکہ جیسا کہ اسماء طارق نے کہا: ‘‘چاہے شہر ہو یا گاؤں — اصل طاقت ہمت ہے، اور عورت کو آگے بڑھنے کے لیے مسلسل ہمت وکوشش جاری رکھنی ہو گی۔

دیکھیں: افغان طالبان کے چار سالہ دور حکومت: امن، معیشت اور خواتین کے حقوق پر ایک نظر؟

متعلقہ مضامین

اسلام آباد میں ای سی او وزرائے خارجہ کا دو روزہ اجلاس آج شروع ہوگا، جس میں علاقائی تجارت، توانائی اور ٹرانسپورٹ کے شعبوں میں تعاون پر غور کیا جائے گا۔

November 15, 2026

فارن پالیسی اِن فوکس میں شائع ہونے والے مَہ لقا صمدانی کے مضمون پر تجزیہ کاروں نے شدید ردعمل دیتے ہوئے اسے ذاتی مفاد اور پاک امریکہ تعلقات کو نقصان پہنچانے کی کوشش قرار دیا ہے۔

November 14, 2026

کینیا میں 3.6 ارب شلنگ کی منشیات برآمدگی کے بعد مقامی و افریقی اسمگلرز کی گرفتاری کے باوجود پاکستان کا نام گھسیٹنے کی منفی مہم بے نقاب ہو گئی ہے۔

November 14, 2026

نیب خیبرپختونخوا نے آمدن سے زائد اثاثوں کی تحقیقات میں اسد قیصر کی فرموں کا ریکارڈ اور ڈاکٹر امجد علی کیس میں 9 گواہوں کو طلب کر لیا۔

November 14, 2026

رائے دیں

Leave a Reply

Your email address will not be published. Required fields are marked *