عالمی بینک کی پاکستان کیلئے 30 کروڑ ڈالر قرض کی منظوری

عالمی بینک نے دیہی سندھ میں صاف پانی، نکاسی آب اور صفائی کا نظام بہتر بنانے کے لیے پاکستان کو 30 کروڑ ڈالر قرض دینے کی منظوری دے دی۔
عالمی بینک کی پاکستان کیلئے 30 کروڑ ڈالر قرض کی منظوری

عالمی بینک نے پاکستان کیلئے 30 کروڑ ڈالر قرض منظور کر لیا، رقم دیہی سندھ میں صاف پانی، نکاسی آب اور صفائی کے منصوبوں پر خرچ ہوگی۔

November 15, 2026

عالمی بینک نے پاکستان کے لیے 30 کروڑ ڈالر قرض کی منظوری دے دی ہے، جس سے سندھ کے دیہی علاقوں میں صاف پانی کی فراہمی، نکاسی آب اور صفائی کا نظام بہتر بنایا جائے گا۔

عالمی بینک کے مطابق منصوبے کے تحت سندھ کے دیہی علاقوں میں شمسی توانائی سے چلنے والے واٹر سپلائی سسٹم نصب کیے جائیں گے، جبکہ نکاسی آب اور صفائی کے جدید نظام بھی قائم کیے جائیں گے۔

منصوبے کے ذریعے سندھ کی 80 فیصد دیہی آبادی کو پانی اور صفائی کی بہتر سہولتیں فراہم کرنے کا ہدف مقرر کیا گیا ہے۔ اس سے بچوں میں غذائی کمی اور نشوونما کے مسائل پر قابو پانے میں بھی مدد ملے گی۔

عالمی بینک کے مطابق سندھ کے دیہی علاقوں میں پانچ سال سے کم عمر نصف سے زائد بچے کم نشوونما کا شکار ہیں۔ اس مسئلے سے نمٹنے کے لیے صاف پانی اور صفائی کا دس سالہ منصوبہ چار مراحل میں مکمل کیا جائے گا۔

منصوبے کے پہلے مرحلے پر مجموعی طور پر 54 کروڑ ڈالر خرچ ہوں گے، جس میں عالمی بینک 30 کروڑ ڈالر، ایشیائی ترقیاتی بینک 15 کروڑ ڈالر جبکہ سندھ حکومت 9 کروڑ ڈالر فراہم کرے گی۔

دوسری جانب پاکستان میں عالمی بینک کے تعاون سے اس وقت 47 منصوبے جاری ہیں، جن کی مجموعی مالیت تقریباً 16 ارب 10 کروڑ ڈالر ہے۔

متعلقہ مضامین

امریکا میں فضائی آپریشن متاثر ہونے کا سلسلہ جاری ہے، ہفتے کے روز 6 ہزار سے زائد پروازیں منسوخ اور ہزاروں تاخیر کا شکار ہوئیں۔

November 15, 2026

فلسطین کے اعلانِ آزادی کی 38ویں سالگرہ پر پاکستان نے آزاد اور خودمختار فلسطینی ریاست کے قیام کے لیے اپنی حمایت کا اعادہ کیا ہے۔

November 15, 2026

مصطفیٰ کمال نے نئے صوبوں کے قیام کو پاکستان کی ضرورت قرار دیتے ہوئے کہا ہے کہ اس سے انتظامی نظام بہتر اور اختیارات کی نچلی سطح تک منتقلی ممکن ہوگی۔

November 15, 2026

کالعدم بی ایل اے نے بشیر زیب کی جگہ رحمان گل عرف مرید کو نیا سربراہ مقرر کر دیا۔ وہ اس سے قبل مجید بریگیڈ کے کمانڈر تھے۔

November 15, 2026

رائے دیں

Leave a Reply

Your email address will not be published. Required fields are marked *