بلوچستان کے ضلع نوشکی میں گرلز ڈگری کالج میں مسلح افراد کی فائرنگ سے 3 طالبات زخمی ہوگئیں۔ پولیس کے مطابق زخمی طالبات کو اسپتال منتقل کردیا گیا ہے، جہاں انہیں طبی امداد دی جارہی ہے۔
نوشکی تھانہ سٹی پولیس کا کہنا ہے کہ مسلح افراد نے کالج میں داخل ہوکر فائرنگ کی، جس کے نتیجے میں تین طالبات زخمی ہوئیں۔
کالج کے ایڈمن آفیسر کے مطابق تین مسلح افراد مرکزی گیٹ سے داخل ہوئے اور پرنسپل کے دفتر میں گھس گئے۔ ملزمان نے دفتر میں توڑ پھوڑ کی اور فائرنگ بھی کی۔
پولیس کے مطابق فائرنگ سے زخمی ہونے والی طالبات کو میر گل خان نصیر ٹیچنگ ہسپتال منتقل کیا گیا ہے۔ وہاں انہیں طبی امداد فراہم کی جارہی ہے۔
