افغانستان نے اقوام متحدہ کی قرادرد کی مشروط حمایت اور تعاون کی یقین دہانی کروا دی

“افغانستان کی صورتحال” قرارداد پر اسلامی امارت نے مثبت نکات کو سراہا، لیکن بعض الزامات اور شمولیت نہ ہونے پر تحفظات کا اظہار کیا ہے
افغانستان نے اقوام متحدہ کی قرادرد کی مشروط حمایت اور تعاون کی یقین دہانی کروا دی

افغانستان کی صورتحال قرارداد پر اسلامی امارت نے مثبت نکات کو سراہا، لیکن بعض الزامات اور شمولیت نہ ہونے پر تحفظات ظاہر کیے

July 8, 2025

افغانستان کی اسلامی امارت نے اقوام متحدہ کی جنرل اسمبلی میں منظور کی گئی قرارداد “افغانستان کی صورتحال” پر محتاط ردعمل دیا ہے۔ وزارت خارجہ کے ترجمان نے کہا کہ اسلامی امارت اُن نکات کو مثبت قرار دیتی ہے جن میں سیکیورٹی کی بہتری، منشیات کی روک تھام، انسانی امداد کی اپیل اور معاشی رکاوٹوں کے خاتمے پر زور دیا گیا ہے۔

انہوں نے مزید کہا کہ قرارداد میں بعض پہلو زمینی حقائق کی عکاسی کرتے ہیں، جنہیں خوش آئند سمجھا جاتا ہے۔ ترجمان کے مطابق تعمیری عالمی روابط کو فروغ دینا اور مثبت پیش رفت کو تسلیم کرنا مفاہمت کی راہ ہموار کر سکتا ہے۔

تاہم، ترجمان نے قرارداد میں شامل بعض الزامات پر شدید اعتراض کیا۔ ان کے مطابق یہ قرارداد ماضی کی رپورٹس اور اقوام متحدہ کے پچھلے بیانیوں پر مبنی ہے، جو مخصوص ممالک کے دباؤ کا نتیجہ ہیں۔ ایسے بیانیے افغان عوام کی خودمختاری اور موجودہ زمینی حالات کی درست عکاسی نہیں کرتے۔

ترجمان نے اس بات پر بھی تشویش ظاہر کی کہ اسلامی امارت کی شرکت کے بغیر اس قرارداد کی تیاری نے اس کی شفافیت اور افادیت کو متاثر کیا ہے۔ انہوں نے زور دیا کہ ایسی قراردادوں میں افغان عوام کے نمائندوں کی شمولیت ضروری ہے۔

اسلامی امارت نے اعلان کیا ہے کہ وہ قرارداد کا تفصیلی جائزہ لے گی۔ وہ اسلامی اصولوں اور قومی مفاد کی روشنی میں تعاون کے ممکنہ پہلو تلاش کرے گی۔

دیکھیں: پاک۔افغان تعلقات میں اہم پیشرفت: دہشت گردی کے خلاف مشترکہ جدوجہد پر اتفاق

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *