واشنگٹن 25 جولائی 2025: پاکستان کے نائب وزیر اعظم و وزیر خارجہ اسحاق ڈار امریکہ پہنچ گئے، دورے کا مقصد پاک۔ امریکہ تعلقات میں بہتری سمیت خطے کے امن و استحکام پر اہم پیش رفت متوقع ہے۔ اسحاق ڈار کا استقبال پاکستان کے سفیر ریاض سعید اور واشنگٹن میں پاکستانی ایمبیسی کے اعلیٰ عہدیداروں نے کیا۔
امریکی وزیرِ خارجہ سے ملاقات
وزیر خارجہ اسحاق ڈار اپنے دورے کے دوران امریکی وزیر خارجہ مارکو روبیو سے اہم ملاقات کریں گے۔ یہ ملاقات پاک۔ امریکہ تعلقات کو مضبوط بنانے میں اہم اہم سنگِ میل ثابت ہوگی، جس سے خطے کے امن و استحکام میں بہتری دیکھنے کو ملے گی۔
نائب وزیرِ اعظم کا دورہ اس لیے بھی اہمیت رکھتا ہے پاکستان کا مقصد پاک۔ بھارت کشیدگی کے بعد عالمی سطح پر تعلقات کو استوار کرنا اور امریکہ کے ساتھ باہمی تجارت اورسفارتی شعبوں میں تعلقات کو بڑھانا ہے۔ جبکہ دوسری جانب امریکہ بھی سنجیدگی کا مظاہرہ کررہا ہے کیونکہ چین کے بڑھتے قدم امریکہ کو بھی سخت تشویش میں مبتلا کیے ہوئے ہیں۔
ان مذاکرات میں تجارت، سرمایہ کاری کے مواقع کو بڑھانے پر توجہ دی جائے گی۔ دونوں فریقین توانائی، ٹیکنالوجی جیسے شعبوں میں باہمی سرمایہ کاری کو فروغ دینے کے لیے اہم اقدامات پر غور کریں گے۔
اسحاق ڈار واشنگٹن ڈی سی میں واقع ایک معروف تھنک ٹینک کے اجلاس سے بھی خطاب کریں گے۔ ماہرین نے اس تقریب کو پاکستان اور خطے کے مسائل کو عالمی ماہرین کے سامنے رکھنے کا ایک اہم موقع قرار دیا ہے۔