کراچی کے علاقے منگھوپیر میں سی ٹی ڈی کی کارروائی میں ٹی ٹی پی کے 3 دہشت گرد ہلاک ہوگئے۔
انچارج سی ٹی ڈی راجہ عمر خطاب کے مطابق منگھوپیر میں سی ٹی ڈی نے حساس ادارے کے ہمراہ مکان پر چھاپہ مارا۔چھاپے کے دوران سی ٹی ڈی اور دہشت گردوں میں فائرنگ کے تبادلے میں 3 دہشت گرد ہلاک ہوگئے۔
چھاپہ دہشت گردوں کی موجودگی کی اینٹیلجنس رپورٹ کی بنیاد پر مارا گیا۔
انچارج سی ٹی ڈی کا کہنا ہے کہ ہلاک دہشت گردوں میں سے ایک کی شناخت زعفران دوسرے کی قدرت اللہ کے نام سے ہوئی جبکہ تیسرے دہشت گرد کی شناخت کی جارہی ہے۔
انچارج سی ٹی ڈی کے مطابق غیرملکی شہریوں پر حملے میں ملوث دہشت گرد زعفران پر سندھ حکومت نے 2کروڑ روپے انعام رکھا ہوا تھا جبکہ ہلاک ایک دہشت گرد خودکش حملہ آور تھا۔ نومبر میں چائنیز وفد پر ہونے والے حملے میں بھی زعفران ملوث تھا۔
دہشتگردوں سے گرینیڈ،خودکش جیکٹس اور ڈائری ملی ہے۔ ڈائری میں دہشت گردوں نے اپنے ٹارگٹس لکھ رکھے تھے۔
دیکھیں: پاک افغان ازبکستان ریلوے منصوبہ اور خطے پر اس کے ممکنہ اثرات