وزیرستان لوئر کے اکثر علاقوں میں دس اگست بروز اتوار کرفیو رہے گا۔ تفصیلات کے مطابق ڈپٹی کمشنر جنوبی وزیرستان لوئر کی سفارش پر ایک روزہ کرفیو نافذ کیا جائے گا۔ خلاف ورزی کی صورت میں تعزیرات پاکستان کی دفعہ 188کے تحت کاروائی ہوگی۔ نوٹیفیکیشن کے مطابق 10 اگست بروز اتوار صبح 6 بجے سے شام 7 بجے ضلع جنوبی وزیرستان لوئر کے تحصیل برمل میں مکمل کرفیو رہے گا، کرفیو کے دوران ہر قسم کی نقل و حرکت پر مکمل پابندی ہوگی۔ متعین کردہ حدود میں آنے والے تمام بازار بند رہیں گے۔
ڈپٹی کمشنر کی جانب سے جاری نوٹیفیکیشن میں شہریوں ہدایت کی گئی ہے کہ مندرجہ ذیل راستوں پر سفر کرنا سختی سے منع ہے،خلاف ورزی کرنے کی صورت میں قانونی کاروائی کی جائے گی۔
جن میں خمرنگ، رغزئی، عزیز آباد چوک تا درگئی پل، شولام تا وانا، کرب کوٹ اور تنائی شامل ہے۔ انتظامیہ کی جانب سے اہم ہدایت جاری کی گئی ہیں کہ صرف ایمرجنسی کی صورت میں انتظامیہ کی اجازت، شناختی کارڈ اور کاغذات جمع کروا کر سفر کرسکتے ہیں اور ساتھ ساتھ یہ بھی ہدایات دی گئی ہیکہ سیکیورٹی فورسز کی گاڑی دیکھ کر گاڑی کو 100 میٹر فاصلے پر سڑک سے نیچے اتار لیا جائے۔