Skip to content 
حالیہ اسلام آباد اور پشاور میں ہونے والے خودکش حملوں کی ذمہ دار قرار دی جانے والی کالعدم تنظیم جماعتُ الاحرار نے افغانستان میں اپنے سابق سربراہ عمر خالد خراسانی کی یاد میں ایک تعزیتی اجلاس منعقد کیا، جس میں کالعدم جماعت الاحرار سمیت افغان طالبان کے افراد نے بھی شرکت کی۔
ذرائع کے مطابق مذکورہ تعزیتی اجلاس ایسے وقت میں منعقد کیا گیا ہے کہ چند روز قبل افغان طالبان نے پاکستان کو یقین دلایا تھ کہ انہوں نے جماعتُ الاحرار کے خلاف مؤثر کارروائی کرتے ہوئے تنظیم کے متعدد ارکان کو گرفتار کیا ہے۔ تاہم دوسری جانب افغانستان میں اس گروہ کے کھلے عام اجتماع اور افغان طالبان کی شرکت نے ان کے دعوؤں پر سوالات اٹھا دیے ہیں۔
پاکستانی حکام اس موقع پر تشویش کا اظہار کر رہے ہیں کیونکہ حالیہ اسلام آباد ، پشاور خودکش حملوں میں جماعتُ الاحرار کے ملوث ہونے کے شواہد پہلے ہی سامنے آ چکے ہیں۔ حکومتی ذرائع کا کہنا ہے کہ افغانستان میں عسکری گروہوں کی سرگرمیوں اور طالبان کے دعوؤں میں موجود تضاد دو طرفہ سیکیورٹی تعاون کے لیے چیلنج بنتا جا رہا ہے۔
