Skip to content 
صوت الامہ میگزین کا 16 جنوری تا 31 جنوری پر مشتمل نیا شمارہ شائع ہو گیا ہے، جس میں پاکستان کی مجموعی سیکیورٹی صورتحال، دشمن قوتوں کی سازشوں اور ان کے خلاف سیکیورٹی فورسز کی کامیاب کارروائیوں پر تفصیلی روشنی ڈالی گئی ہے۔
میگزین میں بتایا گیا ہے کہ سیکیورٹی فورسز نے فتنۃ الہندوستان کے نیٹ ورک کے خلاف مؤثر اور فیصلہ کن اقدامات کرتے ہوئے افغانستان کے راستے دراندازی اور دہشت گردی میں ملوث عناصر کی کمر توڑ دی ہے۔ مختلف علاقوں میں کی جانے والی انٹیلیجنس بیسڈ کارروائیوں کے ذریعے دہشت گردوں، ان کے سہولت کاروں اور لاجسٹک نیٹ ورکس کو شدید نقصان پہنچایا گیا۔
شمارے میں سیکیورٹی چیلنجز، دشمن کی پراپیگنڈا مہمات اور ان کے پس پردہ مقاصد کا جامع تجزیہ پیش کیا گیا ہے، جبکہ ریاستی اداروں کی حکمت عملی اور آپریشنل کامیابیوں کو اعداد و شمار اور زمینی حقائق کی بنیاد پر اجاگر کیا گیا ہے۔
میگزین کے مطابق جاری آپریشنز سے یہ واضح ہوتا ہے کہ پاکستان کی دفاعی لائن مضبوط اور محفوظ ہاتھوں میں ہے اور سیکیورٹی فورسز ملک کے امن، استحکام اور خودمختاری کے تحفظ کے لیے پوری طرح متحرک ہیں۔ صوت الامہ میگزین کا یہ شمارہ قارئین کے لیے نہ صرف معلوماتی ہے بلکہ موجودہ سیکیورٹی منظرنامے کو سمجھنے میں بھی مدد فراہم کرتا ہے۔
دیکھیے: وادی تیراہ میں آپریشن پر منظور پشتین کے الزامات؛ سکیورٹی ماہرین نے اپنا مؤقف جاری کر دیا
