پاکستان کو معاشی طو ر پر مضبوط بنانے کیلئے اوورسیز سمیت تمام پاکستانیوں کو کردار ادا کرنے کی ضرورت ہے، وزیراعظم کا چھ نکاتی معاشی ایجنڈہ بہترین نتائج لا سکتا ہے لیکن اس کے لئے حکومت کو اپنا عزم دکھانا ہوگا۔ ان خیالات کا اظہار ماہر معاشیات وصدر انٹرنیشنل لائرز ایسوسی ایشن عاشق علی رانا، جنرل سیکرٹری محمد اسحاق بریار،سینئر نائب صدور ملک غلام حسین،وحید احمد اعوان،فنانس سیکرٹری شیخ عدیل شاہد اورمس نغمانہ شہزادی نے کیا۔
مقررین نے کہا کہ موجودہ حالات میں پاکستانی مصنوعات کی عالمی منڈیوں تک رسائی اور دنیا کے ساتھ مقابلہ کرنے کے لیے حکومت کو برآمد کنندگان کو ریلیف دینا ہوگا۔اسی طرح مقامی کاروبار وں کی ترقی کے لئے بھی اقدامات اٹھانے کی ضرورت ہے،معاشی سر گرمیاں عروج پکڑنے سے ٹیکس محصولات کے اہداف پورے ہوں گے۔
انہوں نے کہا کہ حکومت اوورسیز پاکستانیوں کو اعتماد میں لے، انہیں ملک میں سرمایہ کاری کے لئے راغب کرنے کیلئے مراعاتی سکیمیں دی جائیں۔ مقررین نے کہاکہ انٹرنیشنل لائرز ایسوسی ایشن نے دنیا بھر میں اوورسیز پاکستانیوں کے مسائل کو حل کرنا اپنا مشن بنا لیا ہے تاکہ اوورسیز کے اعتماد کو بحال کرکے زیادہ سے زیادہ زرمبادلہ ملک لایا جا سکے اور پاکستان کو معاشی طور مضبوط بنایا جا سکے۔
دیکھیے: مودی سرکار کے منظورِ نظر اب ایمنیسٹی کے سربراہ؛ پاکستان کے خلاف منظم بین الاقوامی سازش