بھارت نے احمدآباد میں کھیلے گئے آئی سی سی ٹی ٹوئنٹی ورلڈکپ 2026 کے فائنل میں نیوزی لینڈ کو 96 رنز سے شکست دے کر تیسری مرتبہ عالمی ٹائٹل اپنے نام کرلیا اور کئی نئے ریکارڈ بھی قائم کردیے۔
فائنل میں کامیابی کے ساتھ ہی بھارتی ٹیم ٹی ٹوئنٹی ورلڈکپ کی تاریخ میں سب سے زیادہ تین مرتبہ چیمپئن بننے والی پہلی ٹیم بن گئی۔
اس کے ساتھ بھارت نے مسلسل دوسری مرتبہ بھی یہ ٹائٹل جیت کر اپنے اعزاز کا کامیابی سے دفاع کیا، یوں وہ لگاتار دو ورلڈکپ جیتنے والی پہلی ٹیم بھی بن گئی۔
بھارت نے یہ اعزاز اپنے ہوم گراؤنڈ احمدآباد میں حاصل کیا اور یوں وہ اپنے ملک میں ٹی ٹوئنٹی ورلڈکپ جیتنے والی دنیا کی پہلی ٹیم بھی بن گئی ہے۔
فائنل میچ میں بھارتی کھلاڑیوں نے بیٹنگ اور بولنگ دونوں شعبوں میں عمدہ کارکردگی دکھائی اور نیوزی لینڈ کو یکطرفہ مقابلے میں شکست دی۔
یاد رہے کہ بھارت اس سے قبل 2007 اور 2024 میں بھی ٹی ٹوئنٹی ورلڈکپ جیت چکا ہے جبکہ 2026 کی فتح کے بعد اس کے ٹائٹلز کی تعداد تین ہوگئی ہے۔
