ایران کے نئے سپریم لیڈر مجتبیٰ خامنہ ای کا پہلا آڈیو پیغام سامنے آ گیا ہے جس میں انہوں نے مشرق وسطیٰ میں امریکی فوجی اڈوں کے حوالے سے سخت مؤقف اختیار کیا ہے۔
اپنے پیغام میں مجتبیٰ خامنہ ای نے کہا کہ مشرق وسطیٰ میں موجود تمام امریکی فوجی اڈے فوری طور پر بند کیے جائیں، بصورت دیگر انہیں نشانہ بنایا جا سکتا ہے۔
انہوں نے کہا کہ دشمن ایرانی عوام کو نشانہ بنا رہا ہے اور میناب اسکول کے شہداء کے خون کا بدلہ لیا جائے گا۔
مجتبیٰ خامنہ ای کا کہنا تھا کہ آبنائے ہرمز بند رہے گی اور اگر جنگ جاری رہی تو ایران تمام محاذوں کو فعال کر دے گا۔
انہوں نے کہا کہ ان کا عہد ان سے تقاضہ کرتا ہے کہ وہ عوام کے ساتھ کھڑے رہیں، عوام کی حمایت کے بغیر ان کی کوئی حیثیت نہیں۔
سپریم لیڈر کا کہنا تھا کہ ایرانی عوام کو متحد رہنا ہوگا اور دشمن کے خلاف یکجہتی کے ساتھ مقابلہ کرنا ہوگا۔
مجتبیٰ خامنہ ای نے کہا کہ ایرانی قیادت اور عوام کے درمیان رابطہ ہمیشہ قائم رہے گا اور وہ عوام کی خدمت کے لیے قرآن سے رہنمائی حاصل کرتے رہیں گے۔
انہوں نے مزید کہا کہ ایرانی فورسز نے دشمن کو حاوی نہیں ہونے دیا اور ایران اپنے شہداء کے خون کا بدلہ لے گا۔