ازبکستان کے تاشقند ریجن کے گورنر میرزیایف زوئیر توئرووچ اور پاکستان میں ازبکستان کے سفیر تُختایف علیشیر خاکیمووچ نے اعلیٰ سطحی وفد کے ہمراہ سیالکوٹ میں معروف اسپورٹس ساز ادارے فارورڈ سپورٹس کا دورہ کیا۔
دورے کے دوران ڈپٹی ڈائریکٹر ایڈمنسٹریشن میجر (ر) شاہد علی اور منیجنگ ڈائریکٹر حسن مسعود خواجہ نے وفد کا استقبال کیا اور ادارے کی پیداواری صلاحیت، عالمی معیار کی مصنوعات اور برآمدی سرگرمیوں پر بریفنگ دی۔
ازبک وفد نے فٹبال اور دیگر اسپورٹس سامان کی تیاری کے مختلف مراحل کا معائنہ کیا اور مصنوعات کے معیار کو سراہتے ہوئے اسے پاکستان کے لیے بین الاقوامی سطح پر قابلِ فخر قرار دیا۔
اس موقع پر پاکستان اور ازبکستان کے درمیان تجارتی، صنعتی اور کاروباری روابط کے فروغ پر تبادلہ خیال بھی کیا گیا جبکہ دونوں ممالک نے باہمی تعاون کو مزید مضبوط بنانے کے عزم کا اظہار کیا۔
دیکھئیے:پاکستان اور ازبکستان میں اقتصادی تعاون کا نیا مرحلہ، پانچ سالہ اسٹریٹجک روڈ میپ پر اتفاق