اسلام آباد: وفاقی وزیر اطلاعات عطا اللہ تارڑ نے نے عیدالفطر کے پیش نظر افغانستان میں دہشتگردوں کے خلاف جاری آپریشن ’غضبُ الحق‘ میں عارضی وقفے کا اعلان کر دیا ہے، تاہم کسی بھی حملے کی صورت میں کارروائی فوری بحال کرنے کا واضح انتباہ بھی دیا ہے۔
سرکاری بیان کے مطابق یہ فیصلہ پاکستان نے اپنی جانب سے اور سعودی عرب، قطر اور ترکی جیسے برادر اسلامی ممالک کی درخواست پر کیا۔ حکام کے مطابق یہ اقدام اسلامی اقدار اور خیرسگالی کے تحت اٹھایا گیا ہے۔
تاہم حکومت نے واضح کیا ہے کہ اگر اس دوران کسی قسم کا سرحد پار حملہ، ڈرون حملہ یا پاکستان کے اندر دہشتگردی کا واقعہ پیش آیا تو ’آپریشن غضبُ الحق‘ فوری طور پر مزید شدت کے ساتھ دوبارہ شروع کر دیا جائے گا۔
ذرائع کے مطابق پاکستان کے اعلان کے بعد افغان طالبان نے بھی قطر، سعودی عرب اور ترکی کی درخواست پر پاکستان کے خلاف حملوں میں عارضی وقفے کا اعلان کیا ہے، جسے خطے میں کشیدگی کم کرنے کی کوشش قرار دیا جا رہا ہے
حکام کا کہنا ہے کہ یہ فیصلہ امن اور مذہبی ہم آہنگی کے جذبے کے تحت کیا گیا ہے، تاہم قومی سلامتی پر کوئی سمجھوتہ نہیں کیا جائے گا۔
دیکھئیے:کابل حملہ: طالبان کے اعداد و شمار پر سوال، 492 افراد زندہ ہونے کا اعتراف