واشنگٹن: امریکی تھنک ٹینک نے افغان طالبان رجیم کی دہشتگردی سے مبینہ وابستگی اور انتہا پسندانہ پالیسیوں کو عالمی امن کیلئے بڑا چیلنج قرار دیتے ہوئے تشویش کا اظہار کیا ہے۔
رپورٹ کے مطابق طالبان حکومت کے جابرانہ قوانین افغان عوام کے بنیادی حقوق اور مستقبل کیلئے سنگین خطرہ بن رہے ہیں، جبکہ ریاستی ڈھانچے اور قانونی نظام کو بھی شدید نقصان پہنچ رہا ہے۔
تھنک ٹینک کا کہنا ہے کہ افغان طالبان کے القاعدہ سمیت دیگر شدت پسند گروہوں کے ساتھ روابط برقرار ہیں اور حکومت ان عناصر کے خلاف مؤثر کارروائی سے گریزاں دکھائی دیتی ہے۔
رپورٹ میں مزید کہا گیا ہے کہ بین الاقوامی سطح پر تسلیم نہ کیے جانے کے باعث طالبان رجیم کو افغانستان کی نمائندگی کیلئے مکمل قانونی حیثیت حاصل نہیں، جو سفارتی اور عالمی سطح پر اس کی پوزیشن کو کمزور کرتا ہے۔
تجزیہ کاروں کے مطابق یہ رپورٹ افغانستان کی موجودہ صورتحال اور خطے میں بڑھتے سکیورٹی خدشات کی عکاسی کرتی ہے۔
دیکھئیے:افغان مہاجرین کی مرحلہ وار واپسی، کے پی حکومت نے طورخم بارڈر کھولنے کی منظوری دے دی