ایرانی وزیرِ خارجہ عباس عراقچی نے اپنے حالیہ سفارتی دورے کے حوالے سے اہم بیان جاری کیا ہے۔ انہوں نے واضح کیا کہ وہ اسلام آباد، مسقط اور ماسکو کے بروقت دوروں کا آغاز کر رہے ہیں تاکہ علاقائی صورتحال پر اہم مشاورت کی جا سکے۔
عباس عراقچی کے مطابق ان دوروں کا بنیادی مقصد علاقائی شراکت داروں کے ساتھ دوطرفہ معاملات پر قریبی ہم آہنگی پیدا کرنا اور خطے میں ہونے والی حالیہ پیش رفت پر تبادلہ خیال کرنا ہے۔ انہوں نے اپنی سفارتی ترجیحات کو واضح کرتے ہوئے مزید کہا کہ “ہمارے پڑوسی ہماری اولین ترجیح ہیں”۔
سفارتی ماہرین عباس عراقچی کے اس بیان اور دورہ اسلام آباد کو خطے میں ایران کے بڑھتے ہوئے سفارتی اثر و رسوخ اور پڑوسی ممالک کے ساتھ تعلقات کو مزید مستحکم کرنے کی اہم کوشش قرار دے رہے ہیں۔
دیکھئیے:ایرانی وزیرِ خارجہ عباس عراقچی کی آج رات اسلام آباد آمد متوقع، حکومتی ذرائع نے تصدیق کر دی