واشنگٹن: امریکی صدر ڈونلڈ ٹرمپ کے خصوصی ایلچی سٹیو وٹکوف اور ان کے داماد جیرڈ کشنر ایرانی وزیرِ خارجہ سے مذاکرات کے لیے جلد پاکستان روانہ ہوں گے۔ برطانوی خبر رساں ادارے رائٹرز نے جمعہ کو ایک امریکی عہدیدار کے حوالے سے تصدیق کی ہے کہ ان دونوں اعلیٰ سطح کے نمائندوں کا دورہ اسلام آباد میں ہونے والے حالیہ سفارتی عمل کا حصہ ہے۔
امریکی میڈیا رپورٹس کے مطابق نائب صدر جے ڈی وینس فی الحال اس دورے کا حصہ نہیں ہیں، تاہم وہ اسلام آباد کی صورتحال پر نظر رکھے ہوئے ہیں۔ سی این این کی رپورٹ میں بتایا گیا ہے کہ اگر مذاکرات میں مثبت پیش رفت ہوتی ہے تو نائب صدر جے ڈی وینس کسی بھی وقت اسلام آباد پہنچنے کے لیے ‘اسٹینڈ بائی’ پر موجود ہیں۔
اسلام آباد میں ہونے والے ان مذاکرات کو خطے میں جاری کشیدگی کے خاتمے اور امریکہ ایران تعلقات میں ممکنہ برف پگھلنے کے حوالے سے انتہائی اہم قرار دیا جا رہا ہے۔ امریکی حکام کی جانب سے اس سفارتی مشن کی خبر ایک ایسے وقت میں سامنے آئی ہے جب ایرانی وزیرِ خارجہ عباس عراقچی کی بھی آج رات پاکستان آمد متوقع ہے۔
دیکھئیے:ایرانی وزیرِ خارجہ عباس عراقچی کی آج رات اسلام آباد آمد متوقع، حکومتی ذرائع نے تصدیق کر دی