ایرانی سرکاری خبر رساں ایجنسی نے تصدیق کی ہے کہ وزیرِ خارجہ عباس عراقچی اپنا دورہ عمان مکمل کرنے کے بعد ایک بار پھر پاکستان پہنچیں گے۔ وزارتِ خارجہ کے مطابق وہ روس روانگی سے قبل اسلام آباد میں مختصر قیام کریں گے۔ ایرانی وفد کا ایک حصہ تہران سے مشاورت مکمل کر کے اتوار کی رات دوبارہ اسلام آباد میں وزیرِ خارجہ سے ملے گا۔
عباس عراقچی نے چند گھنٹے قبل ہی پاکستان کا پہلا مرحلہ مکمل کیا تھا جس میں انہوں نے وزیراعظم شہباز شریف اور فیلڈ مارشل عاصم منیر سے اہم ملاقاتیں کیں۔ ایرانی وزیرِ خارجہ نے ان ملاقاتوں کو انتہائی مفید قرار دیا ہے۔ تاہم انہوں نے یہ بھی واضح کیا کہ وہ اب بھی دیکھنا چاہتے ہیں کہ آیا امریکہ واقعی سفارت کاری کے لیے سنجیدہ ہے یا نہیں۔
مذاکرات کے اس سلسلے کو خطے میں جاری کشیدگی اور جنگ کے خاتمے کے حوالے سے کلیدی اہمیت دی جا رہی ہے۔ ایرانی وفد کے تہران واپس جانے والے نمائندے بھی اہم امور پر مشاورت کے بعد دوبارہ اسلام آباد پہنچیں گے تاکہ بات چیت کے عمل کو آگے بڑھایا جا سکے۔
دیکھئیے:بھارتی نژاد سکیورٹی حکام ڈونلڈ ٹرمپ کے لیے خطرہ بن گئے، فوری مستعفی ہونے کا مطالبہ