اسلام آباد: بیرونی قرضوں کی بھاری ادائیگیوں کے باوجود پاکستان کے زرمبادلہ کے ذخائر مستحکم سطح پر برقرار ہیں۔ اسٹیٹ بینک آف پاکستان کو بین الاقوامی مالیاتی فنڈ (آئی ایم ایف) کی جانب سے چند روز میں ایک ارب 21 کروڑ ڈالر کی قسط موصول ہونے والی ہے، جس سے زرمبادلہ کے ذخائر میں مزید اضافہ متوقع ہے۔
اسٹیٹ بینک آف پاکستان کی دستاویزات کے مطابق، گزشتہ ایک سال کے دوران ملک کے مجموعی زرمبادلہ کے ذخائر میں 6 ارب 50 کروڑ 96 لاکھ ڈالرز کا نمایاں اضافہ ریکارڈ کیا گیا ہے۔ اعداد و شمار کے مطابق، اس ایک سال کے عرصے میں مرکزی بینک کے اپنے ذخائر میں 5 ارب 55 کروڑ 29 لاکھ ڈالرز کا اضافہ ہوا، جبکہ کمرشل بینکوں کے زرمبادلہ کے ذخائر میں 95 کروڑ 67 لاکھ ڈالرز کا اضافہ دیکھا گیا۔
معاشی ماہرین کے مطابق، بیرونی ادائیگیوں کے دباؤ کے باوجود زرمبادلہ کے ذخائر کا مستحکم رہنا ملکی معیشت کے لیے ایک مثبت اشارہ ہے۔ آئی ایم ایف کے نئے فنڈز کی دستیابی سے روپے کی قدر کو سہارا ملے گا اور بیرونی ادائیگیوں کے توازن کو برقرار رکھنے میں مدد ملے گی۔
دیکھئیے:خطے کی غیریقینی صورتحال کے باوجود ٹیکسٹائل برآمدات میں سالانہ بنیادوں پر 22.81 فیصد اضافہ