اسلام آباد: ملک میں خطے کی غیریقینی صورتحال کے باوجود ٹیکسٹائل کی برآمدات میں نمایاں اضافہ ریکارڈ کیا گیا ہے۔
وزارت تجارت کے جاری کردہ اعداد و شمار کے مطابق، اپریل 2026 کے دوران سالانہ بنیادوں پر ٹیکسٹائل برآمدات میں 22.81 فیصد کا اضافہ ہوا ہے، جبکہ ماہانہ بنیادوں پر اپریل میں یہ برآمدات 11 فیصد بڑھیں۔ اپریل 2026 میں پاکستان کی ٹیکسٹائل برآمدات کا حجم 1 ارب 49 کروڑ 80 لاکھ ڈالر رہا، جبکہ اپریل 2025 میں پاکستان کی ٹیکسٹائل برآمدات 1 ارب 22 کروڑ ڈالر تھیں۔
وزارت تجارت کے ذرائع نے مزید بتایا کہ مارچ 2026 میں پاکستان کی ٹیکسٹائل برآمدات 1 ارب 35 کروڑ ڈالر ریکارڈ کی گئی تھیں۔
رواں مالی سال کے پہلے 10 ماہ کے دوران بھی ٹیکسٹائل برآمدات میں مجموعی طور پر 1.48 فیصد کا اضافہ دیکھنے میں آیا ہے۔ جولائی 2025 سے اپریل 2026 تک کے عرصے میں ٹیکسٹائل برآمدات 15 ارب 7 کروڑ ڈالر رہیں، جبکہ گزشتہ مالی سال کی اسی مدت میں یہ برآمدات 14 ارب 85 کروڑ ڈالر تھیں۔