امریکی اخبار وال اسٹریٹ جرنل نے دعویٰ کیا ہے کہ صدر ٹرمپ نے امریکی فوج کو ایران پر تازہ حملوں کا حکم دے دیا ہے۔ میڈیا رپورٹس کے مطابق امریکہ اور اسرائیل مشترکہ طور پر ایران کی توانائی تنصیبات کو نشانہ بنانے کی منصوبہ بندی کر رہے ہیں۔
ذرائع کے مطابق یہ ممکنہ عسکری کارروائیاں رواں ہفتے کے اختتام تک کسی بھی وقت کی جا سکتی ہیں۔ اس پیش رفت سے مشرقِ وسطیٰ میں جاری کشیدگی میں انتہائی خطرناک اضافے کا خدشہ ظاہر کیا جا رہا ہے۔
اس سے قبل امریکی صدر ٹرمپ نے ایران کی فوجی صلاحیت کو بڑی حد تک تباہ کرنے کا دعویٰ کیا تھا۔ انہوں نے تہران کو سخت انتباہ جاری کرتے ہوئے دھمکی دی تھی کہ اگر ضرورت پڑی تو ایران پر اس سے بھی زیادہ سخت اور تباہ کن حملے کیے جائیں گے۔
دیکھیے: بھارت کا اسرائیل کو فراہم کردہ اسلحہ غزہ جنگ میں استعمال ہو رہا ہے: ایمنسٹی انٹرنیشنل
