خضدار کے علاقہ گورو میں سکیورٹی فورسز نے خفیہ اطلاع پر انٹیلی جنس بیسڈ آپریشن کرتے ہوئے آٹھ دہشت گردوں کو ہلاک کر دیا، جبکہ متعدد دیگر زخمی ہو گئے۔
ذرائع کے مطابق کارروائی کے دوران دہشت گردوں نے فورسز پر شدید فائرنگ کی، جس کا مؤثر جواب دیتے ہوئے سکیورٹی اہلکاروں نے ان کے ٹھکانے کو مکمل طور پر تباہ کر دیا۔ کامیاب کارروائی کے دوران بھاری مقدار میں اسلحہ، گولہ بارود، دھماکا خیز مواد، مواصلاتی آلات اور دیگر جنگی سامان بھی برآمد کیا گیا۔
سکیورٹی ذرائع کا کہنا ہے کہ ہلاک ہونے والے دہشت گرد علاقے میں تخریب کاری اور دہشت گرد کارروائیوں کی منصوبہ بندی میں ملوث تھے۔ فرار ہونے والے دہشت گردوں کی تلاش کے لیے علاقے میں کلیئرنس اور سرچ آپریشن جاری ہے، جبکہ ناخوشگوار واقعات کو روکنے کے لیے علاقے کے تمام داخلی و خارجی راستوں پر سیکیورٹی مزید سخت کر دی گئی ہے۔
واضح رہے کہ گزشتہ ہفتے کے دوران سکیورٹی فورسز نے آپریشنز کے سلسلے کو جاری رکھتے ہوئے خیبر پختونخوا اور بلوچستان کے مختلف علاقوں میں مؤثر کارروائیاں کی ہیں۔ ان کارروائیوں کے دوران بڑی تعداد میں دہشت گردوں کو جہنم واصل کیا گیا اور ان کے چھپے ہوئے ٹھکانوں کو تباہ کر دیا گیا۔
دیکھیے: پاک امریکہ کا دہشتگردی کے خلاف تعاون مضبوط بنانے پر اتفاق