ترکیہ کے صدر رجب طیب اردگان ایک روزہ سرکاری دورے پر سعودی عرب پہنچ گئے ہیں، جہاں عالمی برادری کی نظریں جدہ میں ہونے والے اس اہم ترین اجلاس پر مرکوز ہیں۔
وزیراعظم شہباز شریف اور فیلڈ مارشل سید عاصم منیر پہلے سے ہی سعودی عرب میں موجود ہیں۔ عین اسی وقت ترک صدر کی آمد کو بین الاقوامی سطح پر انتہائی اہم قرار دیا جا رہا ہے۔
رائٹرز اور اے ایف پی کے مطابق تینوں برادر ممالک آج جدہ میں ایک مشترکہ دفاعی معاہدے پر دستخط کریں گے، جس کے تحت دفاع، انٹیلی جنس شیئرنگ اور علاقائی سلامتی کے شعبوں میں تعاون بڑھایا جائے گا۔
سعودی ولی عہد شہزادہ محمد بن سلمان، ترک صدر اردوان اور وزیراعظم شہباز شریف کے درمیان اعلیٰ سطحی ملاقات ہو رہی ہے، جس میں مسلم ممالک کے مضبوط اتحاد اور مشترکہ حکمت عملی پر اہم پیش رفت کی امید ہے۔
تجزیہ کاروں کے مطابق، امریکہ ایران کشیدگی، آبنائے ہرمز اور بحیرہ احمر کی سکیورٹی کی صورتحال کے پیش نظر اس اسٹریٹجک اتحاد کو حتمی شکل دی جا رہی ہے، جس پر دنیا بھر کی نظریں ٹکی ہوئی ہیں۔
دیکھیے: مکہ مکرمہ: وزیراعظم شہباز شریف اور فیلڈ مارشل نے وفد کے ہمراہ عمرہ ادا کر لیا