خیبرپختونخوا کے سرحدی ضلع کرم میں کالعدم تحریک طالبان پاکستان (ٹی ٹی پی) اور کالعدم جماعت الاحرار کے درمیان شدید مسلح تصادم ہوا ہے۔
ذرائع کے مطابق دونوں کالعدم گروہ اب آپس میں ہی الجھ پڑے ہیں اور ان کے درمیان جاری اندرونی باہمی جنگ شدت اختیار کر گئی ہے۔
گزشتہ رات ہونے والے اس خونریز تصادم کے نتیجے میں دونوں جانب سے شدید فائرنگ کے بعد تین جنگجو ہلاک ہو گئے ہیں۔ رپورٹس سے معلوم ہوا ہے کہ یہ حملہ ٹی ٹی پی کی جانب سے چند روز قبل ہونے والی جھڑپ میں اپنے عسکریت پسندوں کی ہلاکت کے انتقام میں کیا گیا تھا۔
سکیورٹی تجزیہ کاروں کا کہنا ہے کہ یہ واقعہ شدت پسند تنظیموں کی کمزوری اور ان کے درمیان قائم اندرونی اختلافات و پھوٹ کا واضح ثبوت ہے۔
دیکھیے : کرم میں نور ولی محسود کی موجودگی کا پراپیگنڈا ناکام