افغانستان کے قندھار کے علاقے عینو مینہ ٹاؤن شپ میں قائم ایک پارک کے قریب مسلح حملہ آوروں نے طالبان کی اخلاقی پولیس کے ایک اہلکار کو فائرنگ کر کے ہلاک کر دیا ہے۔
اس مسلح کارروائی کی ذمہ داری طالبان مخالف عسکری گروہ یونائیٹڈ فرنٹ نے باقاعدہ طور پر قبول کر لی ہے۔
تنظیم کی جانب سے جاری بیان میں مؤقف اختیار کیا گیا ہے کہ طالبان کی اخلاقی پولیس کے اہلکار نوجوانوں کو تشدد، تحقیر اور ذہنی و جسمانی اذیت کا نشانہ بناتے ہیں، جس کے باعث اب ان تمام اہلکاروں کو باقاعدہ عسکری اہداف کی فہرست میں شامل کر لیا گیا ہے۔
یونائیٹڈ فرنٹ کے مطابق طالبان کے اخلاقی پولیس نظام کو براہِ راست نشانہ بنانے کی یہ ان کی پہلی باضابطہ اور منظم کارروائی ہے۔
دوسری جانب طالبان انتظامیہ نے اس واقعے اور یونائیٹڈ فرنٹ کی جانب سے کیے گئے دعوے پر فی الحال کوئی باضابطہ ردِعمل ظاہر نہیں کیا ہے۔
دیکھیے: بنوں: انٹیلی جنس بنیاد پر ڈرون کارروائی، خارجی کمانڈر جیمید جہنم واصل