ستمبر 1965 کی جنگ کے 21 ویں روز پاکستان نے سیالکوٹ سیکٹر میں ٹینکوں کی بڑی لڑائی میں فیصلہ کن فتح حاصل کی۔ پاک فوج نے اس محاذ پر دشمن کے 6 ٹینک تباہ کیے۔ بھارتی افواج کو بھاری جانی نقصان اٹھا کر پسپا ہونا پڑا۔
افواج پاکستان نے کھیم کرن اور حسینی والا سیکٹر میں نمایاں کامیابیاں سمیٹیں۔ فاضلکے سیکٹر میں پاک فوج نے دشمن کے 11 ٹینک قبضے میں لیے۔ کارروائی کے دوران 6 مشین گنیں، بھاری گولہ بارود اور 3 اینٹی ٹینک گنز بھی تباہ کر دی گئیں۔
دشمن کی پیش قدمی ناکام
راجستھان سیکٹر میں بھارتی فوج نے آگے بڑھنے کی کوشش کی۔ پاکستانی دستوں نے بروقت اور مؤثر جوابی کارروائی کرتے ہوئے دشمن کو مار بھگایا۔ اس محاذ پر بھی حملہ آور فورسز کو شدید ہزیمت کا سامنا کرنا پڑا۔
پاک فضائیہ اور پاک بحریہ
پاک فضائیہ نے سرگودھا پر حملہ آور کینبرا طیارہ اور لاہور میں ایک ہنٹر طیارہ مار گرایا۔ شاہینوں نے آدم پور، ہلواڑہ اور جودھپور کے ہوائی اڈوں کو بھی شدید نقصان پہنچایا۔ اسی دوران پاک بحریہ نے اپنی سمندری حدود کا دفاع پوری طرح چوکس رہ کر یقینی بنایا۔
دیکھیے: جنگ ستمبر: 17ویں روز سیالکوٹ میں بھارتی فوج کو بڑا نقصان