اسرائیلی صدر آئزک ہرزوگ نے ملک میں نئی حکومت کی تشکیل کے لیے پارلیمانی جماعتوں کے ساتھ اہم مشاورتی عمل مکمل کر لیا ہے۔ اس مشاورت کا مقصد آئندہ وزیراعظم کے انتخاب کے لیے اکثریتی رائے کا تعین کرنا ہے۔
اسرائیلی میڈیا کے مطابق یشار پارٹی کے سربراہ گاڈی آئزنکوٹ کو نیا وزیراعظم بننے کے لیے پارلیمنٹ (کنیسٹ) کے اکثریتی ارکان کی واضح حمایت حاصل ہو گئی ہے۔
صدر آئزک ہرزوگ نے بتایا کہ 67 ارکان پر مشتمل سیاسی دھڑوں نے گاڈی آئزنکوٹ کی نامزدگی کی تائید کی ہے، جبکہ موجودہ وزیراعظم بنیامین نیتن یاہو کے حق میں صرف 46 ارکان نے رائے دی ہے۔
اسرائیلی صدر کے مطابق وہ اتوار کو حکومت سازی کا رسمی مینڈیٹ سونپنے سے پہلے حالات کو مکمل طور پر واضح کرنے کے لیے سیاسی رہنماؤں سے مزید بات چیت کریں گے۔
دوسری جانب بنیامین نیتن یاہو کے لیے سیاسی مشکلات بڑھ گئی ہیں۔ ان کی اتحادی مذہبی جماعت یونائیٹڈ توراہ جوڈازم نے 7 نشستیں ہونے کے باوجود کسی بھی امیدوار کی حمایت کرنے سے صاف انکار کر دیا ہے۔
