فیصل آباد کے علاقے تاندلیانوالہ میں ایک افسوس ناک واقعہ پیش آیا ہے، جہاں چچی نے مبینہ طور پر 10 سالہ بھتیجی پر پیٹرول چھڑک کر آگ لگا دی۔ واقعے میں بچی جھلس گئی، جسے فوری طور پر ہسپتال منتقل کر دیا گیا۔
پولیس کے مطابق والدین کے انتقال کے بعد بچی اپنے چچا کے گھر رہائش پذیر تھی۔ ملزمہ کو شبہ تھا کہ بچی نے گھر سے پیسے چھپائے ہیں۔
پولیس کا کہنا ہے کہ پیسے چھپانے کے شبے پر ملزمہ نے بچی کو تشدد کا نشانہ بنایا اور مبینہ طور پر اس پر پیٹرول چھڑک کر آگ لگا دی۔
واقعے کی مزید تفصیلات اور بچی کی طبی حالت سے متعلق معلومات سامنے آنا باقی ہیں۔
