پنجشیر میں القاعدہ کی خفیہ موجودگی، پاکستان کا مؤقف درست ثابت

پنجشیر میں القاعدہ جنگجوؤں کی خفیہ سرگرمیوں کے انکشاف نے خطے سے متعلق پاکستان کا مؤقف ایک بار پھر سچ ثابت کر دیا۔
پنجشیر میںالقاعدہ کی موجودگی

افغانستان کے صوبہ پنجشیر میں القاعدہ کی خفیہ سرگرمیوں کی تصدیق، افغان سرزمین کے غیر محفوظ استعمال پر پاکستان کے دعوے درست ثابت۔

October 6, 2026

افغانستان کے صوبہ پنجشیر میں بین الاقوامی میں القاعدہ کے ارکان کی خفیہ موجودگی اور سرگرمیوں کا بڑا انکشاف سامنے آیا ہے، جس کے بعد افغان سرزمین کے دہشت گردوں کے لیے محفوظ پناہ گاہ بننے سے متعلق پاکستان کے دعوے ایک بار پھر سچ ثابت ہو گئے ہیں۔

کابل پوائنٹ نے معتبر مقامی ذرائع کا حوالہ دیتے ہوئے تصدیق کی ہے کہ عرب نژاد القاعدہ اہلکار پنجشیر کے مختلف حساس مقامات پر منظم انداز میں سرگرم ہیں۔

رپورٹ کے مطابق القاعدہ کے ان غیر ملکی ارکان کی سرگرمیاں جنگلک، پرندہ، آبشار اور جیر علی جیسے اہم علاقوں میں دیکھی گئی ہیں۔ یہ افراد مقامی آبادی سے خود کو الگ تھلگ رکھتے ہوئے خفیہ کارروائیاں جاری رکھے ہوئے ہیں۔

ذرائع کا یہ بھی انکشاف ہے کہ کئی جنگجو اپنے اہل خانہ کے ہمراہ ان پہاڑی علاقوں میں مقیم ہیں۔ ان کی مقامی افراد سے بات چیت اور میل جول انتہائی محدود رکھا جاتا ہے تاکہ شناخت پوشیدہ رہے۔

علاوہ ازیں، یہ عناصر پنجشیر اور صوبہ بغلان کے درمیانی راستوں پر بھی مسلسل نقل و حرکت کر رہے ہیں۔ ان راستوں میں نہرین اور اندراب کے سرحدی و پہاڑی علاقے شامل ہیں، جو دہشت گرد تنظیموں کی جغرافیائی توسیع کو ظاہر کرتے ہیں۔

پاکستان ایک طویل عرصے سے عالمی برادری اور حکومت کو خبردار کرتا رہا ہے کہ افغانستان میں القاعدہ، ٹی ٹی پی اور دیگر کالعدم تنظیمیں کھلے عام یا خفیہ طور پر فعال ہیں۔

پنجشیر سے سامنے آنے والی ان نئی معلومات نے نہ صرف پاکستان کے سفارتی و سکیورٹی مؤقف کی توثیق کر دی ہے بلکہ طالبان حکومت کی جانب سے افغان سرزمین کسی دوسرے ملک کے خلاف استعمال نہ ہونے کے دعوؤں پر بھی سنگین سوالات کھڑے کر دیے ہیں۔

متعلقہ مضامین

آل پاکستان ٹیکسٹائل ملز ایسوسی ایشن (اپٹما) اور جرمن امپورٹرز ایسوسی ایشن نے دوطرفہ تجارت کے فروغ اور پائیداری رپورٹنگ کو بہتر بنانے پر اتفاق کیا ہے۔

November 20, 2026

پاکستان سمیت 16 ممالک نے غیر قانونی اسرائیلی بستیوں اور غزہ امداد میں رکاوٹ ڈالنے والے اداروں پر برطانیہ اور آسٹریلیا کی پابندیوں کا خیرمقدم کیا ہے۔

November 20, 2026

امریکہ نے پاکستان کے معدنیات کے شعبے میں سرمایہ کاری اور تعاون کے عزم کا اعادہ کیا ہے۔ امریکی کمپنیوں سے روزگار اور تربیت کے مواقع پیدا ہونے کی توقع ہے۔

November 20, 2026

صحافی سمیع یوسفزئی کی پوسٹ کے تناظر میں شیخ ہیبت اللہ کے احکامات اور سرحد پار دہشت گردی پر ایک نظر؛ کیا کابل حکومت اپنی رٹ کھو چکی ہے؟

November 20, 2026

رائے دیں

Leave a Reply

Your email address will not be published. Required fields are marked *