خیبرپختونخوا کے ضلع باجوڑ کے علاقے سالارزئی میں سرحد پار سے فائر کیے گئے مارٹر گولے کے گھر پر گرنے سے ایک ہی خاندان کے چار افراد جاں بحق ہو گئے جبکہ ایک شہری زخمی ہو گیا۔
مقامی ذرائع کے مطابق حملے میں جاں بحق افراد کی شناخت طاہر کے بیٹوں ساجد (28)، ایاز (25)، ریاض (22) اور مہاز (18) کے ناموں سے ہوئی ہے۔
رپورٹس کے مطابق مارٹر گولہ ایک رہائشی مکان پر گرا جس کے نتیجے میں چاروں افراد موقع پر ہی جاں بحق ہو گئے۔
حملے میں ایک اور شہری عباس بھی زخمی ہوا جسے فوری طور پر طبی امداد کے لیے قریبی ہسپتال منتقل کر دیا گیا۔
علاقہ مکینوں کا کہنا ہے کہ متاثرہ گھر کسی لڑائی کا حصہ نہیں تھا بلکہ ایک عام رہائشی مکان تھا جہاں خاندان کے افراد موجود تھے۔ واقعے کے بعد علاقے میں شدید غم و غصہ پایا جا رہا ہے
واقعہ کی اطلاع ملتے ہی پولیس موقع پر پہنچ گئی اور مزید تفتیش جاری ہے۔
دیکھئیے:طالبان نے دہشت گرد گروہوں کی سرپرستی کر کے افغان عوام کو قربانی کا بکرا بنا دیا؛ احمد مسعود