جشنِ آزادی کے پرمسرت موقع پر بلوچستان کے غیور عوام نے ملک بھر کے ساتھ مل کر حب الوطنی، اتحاد اور قومی یکجہتی کا بے مثال اور تاریخی مظاہرہ کیا ہے۔
اس شاندار موقع پر معروف بلوچ فنکار اختر چنال زہری کی سحر انگیز آواز میں ایک نیا ملّی نغمہ جاری کیا گیا ہے، جس میں بلوچستان کے دل کی دھڑکن اور پاکستان سے لازوال محبت کی گونج صاف سنائی دیتی ہے۔
اختر چنال زہری کے اس ولولہ انگیز نغمے نے قوم کے دلوں میں اتحاد، باہمی محبت اور امید کی ایک نئی روح پھونک دی ہے اور عوام کی جانب سے اسے بے حد سراہا جا رہا ہے۔
بلوچستان سے کراچی تک گونجتی ان صداؤں نے یہ دوٹوک پیغام دیا ہے کہ پاکستان ہماری حقیقی شناخت، ہمارا فخر اور ہماری سب سے بڑی پہچان ہے۔
جشنِ آزادی کے ان رنگارنگ ایام میں بلوچستان کے سُروں میں پاکستان سے محبت کی خوشبو بکھری نظر آتی ہے، جس نے ثابت کر دیا ہے کہ سبز ہلاالی پرچم تلے تمام صوبے ایک دل اور ایک آواز ہیں۔
عوام، سرکردہ شخصیات اور فنکاروں کے اس جذبے نے یہ پیغام عام کیا ہے کہ قوم ایک، پرچم ایک اور منزل ایک ہے، اور بلوچستان کی محبت ہی اصل میں پاکستان کی طاقت ہے۔
بلوچستان کے اس ملّی جذبے نے یومِ آزادی کو اتحاد، اخوت اور قومی فخر کی لازوال علامت بنا دیا ہے، جس نے یہ واضح کر دیا کہ بلوچستان کا دل بھی پاکستانی ہے اور اس کی دھڑکن بھی پاکستانی ہے۔