چمن: بلوچستان کے چمن سیکٹر میں سکیورٹی فورسز نے سرحد پار سے ہونے والے ایک بڑے حملے کو بروقت ناکام بنا دیا ہے۔
سکیورٹی ذرائع کے مطابق 60 سے 70 دہشت گردوں کے ایک گروہ نے سرحد عبور کر کے حملہ کرنے کی کوشش کی۔ فورسز نے فوری اور مؤثر ردِعمل دیتے ہوئے اس سازش کو خاک میں ملا دیا۔
پاکستانی فوج کی جانب سے کی گئی بھرپور جوابی کارروائی میں 40 سے 45 دہشت گرد مارے گئے۔ باقی ماندہ حملہ آوروں کو فورسز نے پسپا ہو کر فرار ہونے پر مجبور کر دیا۔
کارروائی کے دوران پاک فوج نے چمن سرحد پر واقع دہشت گردوں کی متعدد چیک پوسٹوں کو بھی نشانہ بنایا۔ شدید فائرنگ کے تبادلے کے بعد ان تمام ٹھکانوں کو مکمل طور پر خاموش کرا دیا گیا۔
سکیورٹی حکام کا کہنا ہے کہ ملکی افواج کے عزم کو آزمانے کے نتائج انتہائی سخت ہوں گے۔ سرحدوں کے تحفظ کے لیے پاکستانی فورسز مکمل طور پر تیار اور چوکس ہیں۔