اقوام متحدہ کی سلامتی کونسل کے اجلاس میں چین نے کالعدم بلوچستان لبریشن آرمی (بی ایل اے) اور اس کے مجید بریگیڈ ونگ پر فوری عالمی پابندیاں عائد کرنے کا مطالبہ کیا ہے۔
اقوام متحدہ میں چین کے نمائندے سن لی نے کہا کہ خطے میں امن کے لیے سلامتی کونسل کو بی ایل اے اور اس کے ذیلی ونگز کے خلاف سخت اقدامات کرنے ہوں گے۔
چینی مندوب نے افغانستان میں موجود داعش خراسان جیسے گروہوں پر تشویش کا اظہار کرتے ہوئے افغان طالبان سے تمام دہشت گردوں کے خلاف بلاامتیاز کارروائی کا مطالبہ بھی کیا۔
اجلاس کے دوران چین نے پاکستان میں حالیہ خودکش حملے کی شدید مذمت کی اور عالمی برادری پر زور دیا کہ وہ پاکستان کی انسدادِ دہشت گردی کی کوششوں کی حمایت کرے۔
سفارتکار نے جدید ٹیکنالوجی کے دہشت گردانہ استعمال پر تشویش کا اظہار کرتے ہوئے کہا کہ اس فتنے سے نمٹنے کے لیے دنیا کو زیرو ٹالرنس پالیسی اپنانا ہوگی۔
چین کا یہ قدم پاکستان کے اس روزِ اول کے مؤقف کی بڑی توثیق ہے، جس میں اسلام آباد عالمی برادری سے بی ایل اے پر پابندی کا تقاضا کرتا رہا ہے۔
دیکھیے: افغانستان دہشتگردوں کی محفوظ پناہ گاہ بن چکا، عالمی برادری اقدامات کرے: پاکستان