برطانوی اخبار فنانشل ٹائمز کے مطابق کرپٹو اقدامات سے واشنگٹن میں پاکستان کی اہمیت اور سرمایہ کاری کے امکانات میں اضافہ ہوا ہے۔
فنانشل ٹائمز کے مطابق فیلڈ مارشل سید عاصم منیر کی حکمت عملی اور کرپٹو اقدامات سے واشنگٹن میں پاکستان کو پذیرائی حاصل ہوئی ہے۔ ایشیا پیسیفک فاؤنڈیشن کے مطابق ، امریکہ اور پاکستان کے تعلقات میں غیر متوقع بہتری اور نیا عروج دیکھنے کو ملا۔
فنانشل ٹائمز نے انکشاف کیا ہے کہ ٹرمپ انتظامیہ کے تعلقات اسلام آباد کے ساتھ بہتر ہو رہے ہیں، جبکہ بھارت ناراض ہے۔ پاکستان نے کرپٹو سفارت کاری کے ذریعے ٹرمپ کے کاروبار کے اندرونی حلقوں میں جگہ بنائی۔
ورلڈ لبرٹی فنانشل نے پاکستان کرپٹو کونسل کے ساتھ لیٹر آف انٹینٹ پر دستخط کیے۔ کھربوں ڈالر مالیت کے پاکستان کے قیمتی معدنی وسائل ، ٹوکنائزیشن کے لیے تیار ہیں۔
بلال بن ثاقب وزیر مملکت برائے کرپٹو اور بلاک چین ، واشنگٹن میں اہم تجارتی مذاکرات میں شریک ہوئے۔ پاکستان کی کرپٹو صلاحیتیں ٹرمپ کے قریبی حلقوں اور امریکی مشیروں کے سامنے مؤثر انداز میں پیش کی گئیں۔
واشنگٹن میں پاکستان کے کرپٹو منصوبوں کو امریکی تعریف اور دلچسپی حاصل ہوئی اور سرمایہ کاری کے مواقع بڑھ گئے۔