امریکی وزیر خارجہ مارکو روبیو نے طالبان کے زیر انتظام افغانستان کو غیر قانونی حراستوں کا ذمہ دار قرار دیتے ہوئے کہا ہے کہ طالبان امریکی شہریوں کو حراست میں رکھ کر سیاسی رعایتیں حاصل کرنے کی کوشش کر رہے ہیں۔
امریکی وزیر خارجہ نے طالبان سے مطالبہ کیا کہ تمام امریکی شہریوں کو فوری اور بلا شرط رہا کیا جائے۔
امریکی معاون وزیر خارجہ مورا نامدار کے مطابق طالبان کے دعووں کے برعکس افغانستان میں امریکی شہریوں کو سنگین خطرات لاحق ہیں۔
ان کا کہنا تھا کہ امریکی محکمہ خارجہ نے افغانستان کیلئے سفری پابندی برقرار رکھی ہوئی ہے۔
امریکی معاون وزیر خارجہ مورا نامدار کے مطابق طالبان کی جانب سے سیاحت کے دعووں کے باوجود افغانستان کا کوئی بھی حصہ محفوظ نہیں ہے۔
امریکی حکام نے افغانستان میں موجود امریکی شہریوں کو فوری طور پر ملک چھوڑنے کی ہدایت بھی جاری کی ہے۔
دیکھئیے:امریکا پاکستان گرین الائنس: قابلِ تجدید توانائی کے شعبے میں تعاون بڑھانے پر زور