بھارتی اداکار دھرمیندر کے بارے میں پھیلائی گئی مبینہ انتقال کی خبر کے بعد ان کے خاندان کا ردعمل سامنےآگیا ہے۔ دھرمیندر کی اہلیہ ہیما مالنی نے اپنے ٹوئٹر اکاؤنٹ پر ان افواہوں کی تردید کرتے ہوئے کہا کہ یہ جو کچھ ہو رہا ہے وہ ناقابلِ معافی ہے۔ ذمہ دار نیوز چینلز کیسے ایک شخص کے انتقال کی خبر پھیلا سکتے ہیں جو اس وقت حیات ہو اورعلاج کروا رہے ہو؟
ہیما مالنی نے اس عمل کو غیر ذمہ دارانہ قرار دیتے ہوئے عوام سے اپیل کی کہ وہ ہمارے خاندان کی نجی زندگی کا احترام کریں۔
اسی طرح دھرمیندر کی بیٹی ایشا دیول نے بھی جھوٹی خبریں پھیلانے پر سخت ناراضی کا اظہار کیا اور کہا کہ سب سے گزارش ہے کہ ہمارے خاندان کی نجی زندگی کا خیال رکھیں اور میرے والد کی مکمل صحت یابی کے لیے دعا کریں۔”
تردید کے باوجود افواہوں کا سلسلہ
نامور صحافی راجدیپ سردیسائی اور مصنف جاوید اختر نے بھی ابتدائی طور پر دھرمیندر کے انتقال کی خبر شیئر کر کے دکھ کا اظہار کیا تھا لیکن اہلِ خانہ کی واضح تردید کے بعد یہ خبریں غلط ثابت ہوئیں۔