امریکی صدر ڈونلڈ ٹرمپ نے ایک بار پھر تارکینِ وطن کے خلاف انتہائی سخت اور توہین آمیز زبان استعمال کرتے ہوئے بھارت کو “جہنم” قرار دے دیا ہے۔ سوشل میڈیا پر جاری ایک طویل نوٹ میں ٹرمپ نے بھارت اور چین سے تعلق رکھنے والے تارکینِ وطن کو “لیپ ٹاپ کے ساتھ گینگسٹرز” قرار دیتے ہوئے ان پر امریکی پرچم کی توہین کا الزام بھی عائد کیا ہے۔
استحصال کے الزامات
ٹرمپ نے اپنے مراسلے میں دعویٰ کیا کہ امریکہ کا موجودہ نظام “برتھ ٹورازم” (شہریت کے لیے امریکہ میں بچے کی پیدائش) کے ذریعے بری طرح استعمال کیا جا رہا ہے۔ انہوں نے بھارت اور چین سے آنے والے تارکینِ وطن پر الزام لگایا کہ وہ امریکہ کے فلاحی نظام کا استحصال کر رہے ہیں اور یہ عمل ملک کی آبادیاتی ساخت کو تبدیل کرنے کی ایک منظم سازش ہے۔
نسل پرستانہ حملے
واضح رہے کہ ڈونلڈ ٹرمپ کی جانب سے بھارتی اور چینی تارکینِ وطن کو “گینگسٹرز” قرار دینا اور بھارت کے لیے “جہنم” کا لفظ استعمال کرنا ان کے سخت گیر اور نسل پرستانہ بیانیے کی عکاسی کرتا ہے۔ ہوا دے سکتا ہے۔
سپریم کورٹ میں بحث
سابق صدر کا یہ تند و تیز بیان امریکی سپریم کورٹ میں ‘پیدائشی شہریت’ کے قانون پر ہونے والی بحث کے دوران سامنے آیا ہے۔ ٹرمپ نے امریکہ میں پیدا ہونے والے غیر ملکیوں کے بچوں کو خودکار طریقے سے ملنے والی شہریت پر شدید اعتراض اٹھایا ہے۔ ان کا کہنا ہے کہ یہ فیصلہ عدالتوں کے بجائے “قومی ریفرنڈم” کے ذریعے ہونا چاہیے۔ انہوں نے موجودہ قانونی نظام کو قدیم قرار دیتے ہوئے کہا کہ امریکی آئین اس دور میں لکھا گیا تھا جب ہوائی سفر یا جدید ہجرت کے مسائل موجود نہیں تھے۔
دیکھیے: امریکہ اور ایران کے درمیان مذاکرات کا نیا دور جمعہ سے شروع ہونے کا امکان