Skip to content 
تہران: ایران کے دارالحکومت تہران میں پاکستانی سفارتخانے اور سفیر کی رہائش گاہ کے قریب فضائی حملوں/بمباری کی اطلاعات سامنے آئی ہیں، تاہم تمام پاکستانی سفارتی عملہ محفوظ ہے۔
ذرائع کے مطابق دھماکے سفارتی علاقے کے قریب ہوئے جس کے باعث سفارتخانے میں موجود عملہ شدید خوف و ہراس کا شکار ہوا، تاہم کسی جانی نقصان یا نقصان کی اطلاع نہیں ملی۔
رپورٹس کے مطابق یہ واقعہ ایسے وقت میں پیش آیا ہے جب پاکستان، ترکیہ اور مصر خطے میں بڑھتی کشیدگی کم کرنے کیلئے امریکا اور ایران کے درمیان فعال سفارتی کردار ادا کر رہے ہیں۔
اس سے قبل بھی تہران میں حملے پاکستانی سفارتخانے کے قریب ہو چکے ہیں، تاہم اس نوعیت کے واقعات جنگی ماحول میں سفارتی مشنز کیلئے خطرات کو بڑھا دیتے ہیں ۔
تجزیہ کاروں کے مطابق موجودہ صورتحال اس بات کی نشاندہی کرتی ہے کہ خطے میں کشیدگی اب سفارتی تنصیبات کے قریب تک پہنچ چکی ہے، جس سے نہ صرف سکیورٹی خدشات بڑھ رہے ہیں بلکہ ثالثی کی کوششیں بھی مزید حساس ہو گئی ہیں۔
ذرائع کے مطابق پاکستان سفارتی سطح پر صورتحال کا جائزہ لے رہا ہے اور اپنے عملے کی سکیورٹی کو یقینی بنانے کیلئے اقدامات کیے جا رہے ہیں۔
دیکھئیے:ایران نے امریکی 15 نکاتی منصوبے پر باضابطہ جواب بجھوا دیا، تجاویز کو غیر منصفانہ قرار دے دیا
